گەریلا بۆتان کاتۆ و روکەن جزیرییە ئەرەیاۋناشا، پیلانگێڵنیی مېیاننەتەوەیی ئارۆنە جە ڕاو سیستەمو گۆشەگیریی ئیمراڵیۆ بەردەواما و واتشا: "مشۆم پەرە بە ئەرەکۊشای بڎەیمۍ پەی ئازاڎیی جەسەیی رابەر ئاپۆی".
٢٦ ساڵۍ سەرو پیلانگێڵنی مېیاننەتەوەیی ٩و تشرینو یووەم و ١٩٩٨ یرە موییەرۆ، کە ۋەرا ۋەر بە رابەرو گەلوو کوردی عەبدوڵا ئۆجالانی ئەنجامدریا. گەریلاکاو ئازاڎیی کورڎەسانی بۆتان کاتۆ و روکەن جزیرییە داواشا کەرڎە کە پەی مسۆگەر کەردەی ئازادیی جەسەیی عەبدوڵا ئۆجالانی ئەرەکۆشای بە گوڕتەر بکریۆ.
گەریلاکۍ قسێشا پەی ئاژانسوو هەواڵوو فوراتی کەرڎۍ و ئاماژەشا بە گۆشەگیری رەهاو سەرو رابەرو گەلوو کوردی عەبدوڵا ئۆجالانی کەرد و پیلانگێڵنیی مېیاننەتەوەییچشا هۆرسەنگنا.
گەریلاو هەپەگەی بۆتان کاتۆ: سەرەتا سڵام جە مڎرامانوو رابەر ئاپۆی جە ئیمراڵینە مکەرو. ٢٦ ساڵێن هێزە باڵادەسەکۍ گەلوو کوردی کۆمکوژ مکەرا. تەمامو هێزە باڵادەسەکا دلۍ پیلانگێڵنییەکەینە بەشدارۍ بێنۍ. رابەر ئاپۆ ٢٦ ساڵێن جە ۋەرا ۋەرو ئی پیلانگێڵنیەینە سەرەمڕە ۋێڕاگری مکەرۆ، ئەرەکۆشۆ. ئا هێزۍ کە بەشداریشا چا پیلانگێڵنییەینە کەرڎ کە ۋەرا ۋەر بە رابەریما کریا، بە پاشێلکەردەی گرڎو بەها مرۆڤایەتیەکا دەسکۆتەکۍ گلێرگەیشا پەی مەسڵەحەتەکاشا، پەی دەسەڵاتداریی ۋێشا بەکاربەرا. ۋەرو ئانەیچ گەرەکشانە پیلانگێڵنیی بە گۆشەگیری و ئەشکەنجە درێژە پنە بڎا و مەرامەکەیشا بیاونا بە سەرکۆتەی. گەلەکەما، ژەنا و جوانا پەی ئازادیی جەسەیی رابەر ئاپۆی مشۆم ئەرک و ۋەرپرسیاری ۋێشا جا بەجۍ بکەرا.
ئەرەکۊشای میاونمۍ بە بەرزتەرین ئاست
گەریلۍ یەژاستاری روکەن جزیرییە: دژمن جە ڕاو پیلانگێڵنیی مېیاننەتەوەییۆ، جە کەسایەتی رابەر ئاپۆینە گەرەکش بۍ گەلوو کوردی دلێنە بەرۆ. گەلوو کوردی بە مڎرامانوو رابەر ئاپۆی سەرو پەیاوە مەنۆ. ۋەرو ئانەیچ مشۆم گەلەکەما عالتەر خاوەنداری جە رابەرایەتی بکەرۆ و جە ۋەرا ۋەرو پیلانگێڵنینە بێدەنگ نەبۆ. بێدەنگی مەبۆ بە مایۍ ئانەی کە سیستەمو گۆشەگیری و ئەشکەنجەی رۆ دماو ڕۆی قووڵتەر بۆوە. تا رابەر ئاپۆ ئازاڎ نەکریۆ، ژەنی و گەلا ئازادۍ نمەبا. پېسە گەریلاکاو ئازادیی کورڎەسانی ئێمە جە دژو پیلانگێڵنیی ئەرەکۊشایما پەی ئازادیی جەسەیی رابەر ئاپۆی مېیاونمۍ بە بەرزتەرین ئاست. بەتایبەتی ژەنی و جوانۍ مشۆم ۋەرپەرسی ۋێشا پەی ئازادیی جەسەیی رابەرایەتی جابەجۍ بکەرا.
