پەی ئەنجامدای دیڎاری چنی ڕابەروو گەلوو کوردی عەبدووڵا ئۆجالانی جارێوەتەر داواکاری پێشکەش کریا
پارێزنەرا نوسینگەو یاسایی سەڎەی پەی ئانەی بتاوا چەمشا بە رابەروو گەلوو کوردی عەبدوڵا ئۆجالانی گنۆ، کە ئیمراڵینە گۆشەگیرکریان، سەرجەنۆ داواکارییشا وست ڕووە.
پارێزنەرا نوسینگەو یاسایی سەڎەی پەی ئانەی بتاوا چەمشا بە موەکیلەکەیشا گنۆ، سەردای داواکاری گرڎی کۆماری جە بورسا و ڕاوەبەرایەتی زیڼانوو ئیمراڵییشا کەرد.
سەر ۋنەداکەی جە لایەنوو پارێزنەرا جەنگیز یورەکلی، ئیبراهیم بیلمەز، ئەرمان ئەمەکچی، جەنگیز یورەکەلی سوزان ئاکیپایۊ کریا.
پارێزنەرا پەی ئەنجامدای دیڎاری چنی موەکیلەکای تەریچشا جە ئیمراڵی عومەر خەیری کۆنار، حامیلی یەڵدرم و وەیسی ئاکتاشی داواکاریشا ۋست ڕووە.
داواکاری پارێزنەرا و بنەیانەکا پەی ئەنجامدای دیداری بە شێوێوە سیستماتیک و بێ بنەما ڕاگیریش ۋنە مکریۆ و هیچ جوابێوەشا نمەڎریۆوە و بە بەهانۍ 'گۆشەگیری' داواکېشا ڕەڎې مکریاوە.
