ئارۆ شاندو دەم پارتی ئیمڕاڵی، كە جە حۆت کەسا پێکئامێ بێنی، پەی جاری یەرەمی دیدار چنی ڕابەر ئاپۆی ئەنجام دریۆنە و شاندەکە حەر یۆ جە سری سورەیا ئۆندەر و پەروین بوڵدان، هامسەرۆکەکا گرڏی دەم پارتی تولای حاتەم ئۆغۆللارە و تونجەر باقرخان، ئەحمەد تورک، پەرلەمانتارو دەم پارتی ئیستەنبوڵی جەنگیز چیچەک و پارێزنەر و نووسینگەو یاسایی سەدەی فایەق ئۆزگور ئەرۆل پێک مەیا.

شاندەکە دماو گلێرۆبییەکەی سەعات ١٧:٠٠ جە ئیستەنبوڵەنە ئەرەیاونێوەشا بۆنە، جە ئەرەیاوناکەینە شاندەکە پەیامو ڕابەر ئاپۆی ئەرەیاونۆنە و ئەرەیاوناکەی ڕاستەوخۆ و سەرو شاشە گۆرەکا وەڵا مکریۆوە.

چا چوارچێوەنە پێسەو فرە جە شارەکا تەرو کوردەسانی و تورکیای پەیامە تاریخییەکەو ڕابەر ئاپۆی جە کامپو پەنابەرا مەخمووری سەرو شاشێوە گۆرێ نیشانە دریۆنە.

یۆبییەو جوانا ئێزدخانی و یۆبییەو ژەنە جوانا شەنگالی جە سەرانسەرو شەنگالینە بە خولیایۆ بە کەژاوەو تڕۆمبێلەکاشا و ڕاپیمای یاگێ نمایشو پەیامە تاریخییەکەینە جە تل‌زێڕەنە گلێرێ باوە.

ڕاوەبەرو یۆبییەو جوانا ئێزدخانی داواش جە ئەرەنیشتا شەنگالی و جوانا بەتایبەت کەرد یاگێ دیاریکریانە بە وەشیۆ ئامادێ بانە پەی پێشوازیکەردەی جە پەیامە تاریخییەکەو ڕابەر ئاپۆی.