دەیان هەزار کەسێ بە درووشمو "بژیوۆ سەرۆک ئاپۆ"ی نەورۆزو فرانکفۆرتینە کوێ بیێوە، کەجەکە پەی مەبارەککەردەی ئاهەنگو نەورۆزی پەیامێوەش کیانا و واتش: "پێویسا ساڵەو ٢٠٢٤ بکەرمێ بە ساڵێوە ئەنجامدارە، ساڵەو ٢٠٢٤ پێسە ساڵەو سەفەربەری ورگێرمێ".
نەورۆزو ئێساڵی لاو کۆن-مەدیوە چوارچوەو هەڵمەتەو "ئازادیی پەی عەبدوڵا ئۆجالانی، چارەسەری سیاسی بۆ پەرسەو کوردی " کە ١٠ تشرینو یوەمینە لاو دۆساو کوردیوە سەرانسەرو جیهانیوە دەسش پەنە کەرد، درووشمو "نەورۆز ئازادیین، ئازادیی تۆ، ئازادیی ئێمەن" مەبارەک مکریۆ.
مەیدانەکەنە پۆستەرێ ڕابەرو گەلو کوردی عەبدوڵا ئۆجالانی و گەشمەرداو نەورۆزی بەرزێ کریێوە.
ئاهەنگەکەنە، بە درووشمێوە سڵام کریا جە تەکنیکو جەنگی تازەو هەپەگەی دژو فڕۆکەی بێفڕۆکەوانی، چندین جارێ درووشمو "بژیوۆ سەرۆک ئاپۆ"ی و "بێ سەرۆکی ژیوای نمەبۆ" بەرز کریاوە و سڵام وەنەو گەریلای کریا.
هامسەرۆکو کۆن-مەدی ڕوکەن ئاکچا واتش: "پێویسا ڕابەر ئاپۆ بە شێوێوە جەسەیی ئازاد بکەرمێ. کۆشیایما گەورە بکەرمێ، بانگەواز وەنەو دەوڵەتو ئەڵمانی مکەرمێ، دەس جە هامکاریی ئەردۆگانی ورگێرا".
هامسەرۆکو کۆن-مەدی کەرەم گۆک واتش: "ئیرادەما زنجیراو ئیمراڵی ماڕۆ، ڕابەر ئاپۆ ئیمراڵینە بەرمشۆ و پێوە نەورۆزو ئامەدی مەبارەک مکەرمێ".
دماو چالاکیی هونەریی گرووپوو مەدی، پەیامو کەجەکەی پەی نەورۆزو فرانکفۆرتی ونیاوە.
" ئارۆ یۆ جە ڕوە گرنگەکاو تارێخین، نەورۆز. بە گەرمیی ئاویرو نەورۆزی سڵام وەنەو گردیتا مکەرمێ و نەورۆزتا مەبارەک مکەرمێ. بەخێربەریدێ پەی ئی ئاهەنگە مانادارەو نەورۆزی. کەسێتی شمەنە جارێوە تەر مەبارەکبایی وەنەو گەلە دێریناو میزۆپۆتامیای و گەلاو وەرکەوتو دلێڕاسەی و جیهانی و ژەنا و گەنجا و کرێکارا و گردو بندەسا مکەرمێ.
نەورۆز ئەرەپڕایوە قەوەتا دژو ستەمی و کۆیلایەتی و چەوسیایۆ. سیمبولو مدرامانو گەلو کوردی و گەلاو میزۆپۆتامیاین، کە دژو ستەمو زوحاکەکا ئەرەپڕا و مدرامانشا کەرد و سەرکەوتێ. گەلو کوردی هەزاران ساڵێن بە حەسرەتو ئازادییوە خێرامای نەورۆزیش کەردەن و بە جۆشوخرۆشۆ ئاهەنگش گێڵنا. گەلو کوردی کە ئەرەمەرزنەرو نەورۆزین، بە درێژایی تارێخی وەرگێریی ستەمی و چەوسیایۆ بییەنۆ و درێژە بە نەریتو نەورۆزی مدۆ. پێسە ڕابەر ئاپۆ ئاماژەش پەنە کەردەن، گەلو کوردی پێسەو گەلو نەورۆزی بییەی ەێش پارێزنان و ژیوان. پی بۆنەوە جارێوە تەر مەبارەکبایی نەورۆزی وەنەو گەلی وەڵاتپارێزنو کوردستانی مکەرمێ.
سڵام و وەشەسیای و ڕێزو وێما پێشکەش بە گردو ئا دۆس و ژەنا مکەرمێ، کە پەی ئازادیی جەستەیی ڕابەر ئاپۆی خەبات مکەرا و ساڵانێوەن کە بە باوڕو ژیوای دیموکراتیکی و ئازادیوە چەنی کۆشیای گەلو کوردی مردێنێ، نەورۆزو گردیشا مەبارەک مکەرمێ. ئا خەباتێ کە دۆساو کوردیسەرمەشقایەتییشا کەردەن و ڕاو هەڵمەتەو ئازادییوە کەردەنشا، ماناش بەخشا بە نەورۆزو ٢٠٢٤ و قەوەتتەرش کەرد. تاریخو کوردسانینە نەورۆز پێسەو مدرامانو گەلو کوردی و گەلا دژو ستەمینە پەرەش سانان.
ئەم نەریتە مانادارا، یانێ مدرامانو ستەموەنەکریایا دژو ستەمکارا، بە سەرکەردایەتیی پارتی، مدرامانو گەلو کوردی ماوەو نیم سەدەین ماناو وێش زیاتەرە کەردێنە و چەنی ڕزگاریوازیچنەبەردەواما.
ئی نەریتە مانادارا، یانێ مدرامانو ستەموەنەکریایا دژو ستەمکارا، بە سەرمەشقایەتیی پەکەکەی و مدرامانو گەلو کوردی نیم سەدەن ماناو وێش گەورەتەرە کەردێنە و سەرو ڕاو ئازادییوە بەردەواما. مەزڵوم دۆغان سەردەمو ئێمەنە نەورۆزش زیندە کەردۆ. ساڵەو ١٩٨٢ بە گیسناینە ئایرو نەورۆزی دژو ستەمی زیندانو ئامەدینە دەسش بە مدرامانی گەورەی کەرد و بی بە کاوەو سەردەمی. پی بۆنەوە جە کەسێتیی مەزڵوم دۆغانی و زەکیەی و ڕەهشانی و ڕۆناهیێ و بێریڤانێنە، گردوو گەشمەرداو نەورۆزی یاد کەرمێوە و سەرەو ڕێزیشا پەی کۆمنمێرە.
چوارچوەو کەمپەینو ئازادیینە ١٠ تشرینو یومو ٢٠٢٣ بە ئامانجو "ئازادیی پەی ڕابەر ئاپۆی، چارەسەر پەی پەرسەو کوردی"، تا ئیساتێ چالاکیی فرە گرنگ و مانادار و گەورە کریان. ئی هەڵمەتێ کە لاو کۆمەڵێوە دۆساوە دەسش پەنە کەرد، بە پاڵپەشتیی هەزاران ڕۆشنویر و نویسەر و سیاسەتمەدار و هونەرمەند و کرێکار و ژەنا و گەنجاو جیهانیوە، کە باوڕیشا بە ئایدیاڵو ئازادی و دیموکراسییوە کۆشیا،گەورەتەر بی. جارێوە تەر سپاس و پەنەزانای وێما ئاڕاسەو گردو ئا کەسا مکەرمێ، کە پەشتیوانی و بەشدارییشا چی خەباتەنە نیشانە دا. تا ئیساتێچ پێسەو تەڤگەرەکەیما هەوڵێما دێنێ بە گردو بییەیماوە پاڵو ئا هەڵمەتێنە بمردمێ، کە دۆساما دەسشا پەنە کەردێنە. هەڵوێستی یۆگێرتەو گەلی و ژەنا و دۆسا چەنی کۆشیای ئێمە و ڕابەر ئاپۆی، ئێمەش دڵوەشێ کەردێنمێ و باوڕما بە بەها گەردوونییەکا پتەوتەر بییەن.
نەورۆزو ٢٠٢٤ چوارچوەو هەڵمەتەو ئازادیینە گرد یاگێونە لاو گەلەکەیماوە مەبارەکە مکریۆ. ئی نزیکایەتی و هەڵوێستە فرە مانادارا. ئێمە بڕواما هەنە نەورۆزو ٢٠٢٤ هەڵمەتەو ئازادیی قەوەتتەرە مبۆ و میاوۆ قۆناغێوە تازە. ئیساتێ مشۆم ئەنجامێوە بنیات بنیەیمێ، کە ئازادیی جەستەیی ڕابەر ئاپۆی مسۆگەر بکەرۆ و هومێدەکاو گەلو کوردستانی پەی ئازادیی بەیا دی. پەی ئینەیچە پێویسا گرد شۆنێوەنە کۆشیایما قەوەتتەر بکەرمێ.
گۆشەگیری ڕەهاو سەرو ڕابەر ئاپۆی، هجومی ئەرەگیرکاری و قڕکەردەی دژو وەڵاتەکەیما و گەلەکەما بە حیچ شێوێوی قبووڵ نمەکریۆن. ماوەو یەرێ ساڵان حیچ زانیاریێوە دەربارەو ڕابەر ئاپۆی نییا. ئیمراڵیینە یاسا نەمەنێنە. مەزنتەرین نادادی جیهاننە ڕووە مدۆ. ڕژێمی فاشیستیی ئاکەپە-مەهەپەی ئیمراڵیینە گۆشەگیریی ڕەهاش سەرو ڕابەر ئاپۆیرە سەپنان و هجوومی ئەرەگیرکاری و قڕکەردەی دژو گەلەکەیما زیاتەر کەردەن. هجوومەکێشا پەی سەرو کوردستانی و بەتایبەت وەرنیشتی ئینێ چوارچوەو تاوانەکاو جەنگینە. هجوومەکاو وەرنیشتی بە ڕۆشنی تاوانو جەنگینێ. ئیساتێ پلانەی تازێ پەی کوشتەی کوردی مجیۆرە. پێسە تەڤگەر و گەلی سەبرما وەراوەرە گۆشەگیری و ئەشکەنجەی و هجوومی ئەرەگیرکاری و قڕکەردەی ڕژێمی دماکەوتەی و فاشیستی و نکۆڵیکاری و نەژادپەرسی نەمەنەن.
پێویسا کۆشیایما دژو گۆشەگیری و ئەشکەنجەدای و ئەرەگیرکاری و قڕکەردەی و چەوسیایۆ زیاتەر بکەرمێ و ساڵەو ٢٠٢٤ بکەرمێ بە ساڵێوە، کە ئەنجامەکاش دلێنە ورگێرمێوە. ئێمە ساڵەو ٢٠٢٤ بە ساڵەو سەفەربەری مزانمێ و پاسە پەیش مدیەیمێ. پێویسا گەلەکەما و دۆسەکێچما پاسە ویناش و پێسە کۆشیایشا گەورەتەر بکەرا. هەڵمەتەو ئازادی پێسە چەمەڕاو هەڵوێست و بەشداریێوە پاسەیما ونە مکەرۆ. پێوە ئینەیە سەروزمێ و ئەنجام دەس وزمێ. سەرو ئا بناغەیە، واوەی نەورۆزو ٢٠٢٤تا وەنە مەبارەک مکەرمێن، سڵام وەنەو کۆشیایتا مکەرمێ و هومێدو سەرکەوتەیتا پەی موازمێن".
وەختێ پەیامو کەجەکەی پەی نەورۆزو فرانکفۆرتی ونیاوە، چندین جارێ درووشمو "بژیوۆ سەرۆک ئاپۆ"ی بەرز کریاوە".
