کەجەکە شێخ سەعید و هەڤاڵاکێش یاڎ ئاورڎێوە و واتش: "گەلو کوردی بە سەرکۊتەی پەرە پی پرۆسەیە مڎۆ و ئەوەکۊشایې کە جە سەردەمو شێخ سەعیدیوە تا ئارۆ قوربانی گۊرەش پەی دریان ئەنجامگیر بۆنە و حەسرەتو ئازادی بەدەس مارۆنە."
هامسەرۆکایەتی کۆنسەو ڕاوەبەری کۆما جڤاکێن کوردەسان (کەجەکە) بۆنەو ١٠٠ەمین ساڵیاڎو جە قەنارەدای شێخ سەعیدی و هەڤاڵەکاش ئەرەیاۋنێوە نویسیاش وەڵاکەرڎۆ. جە ئەرەیاۋناکەینە وچیان، شێخ سەعید کە ساڵۊو ١٩٢٥ی جە قەنارە دریان، پېسە وڵاتپارێزنێوە ئازای، زانای و سەرمەشقو گەلەکەیش، ستەم و ناحەقی سەرو گەلەکەیش قبوڵ نەکەرد و جە دژو نکۆڵیکەردەی گەلو کوردی مرداوە.
جە بەشێوەتەرو ئەرەیاۋناکەو کەجەکەینە ئامان: " جە ئاکامو ئەوەکۊشای شێخ سەعیدی و سەید ڕەزاینە، هیچ وەختۍ کوردەسان نەبڕیانەرە جە مڎرامانی و ئەوەکۊشای و ئی پرۆسە تا گةشبیەیۆ پەکەکەی درێژ بیۆ. بە بەرکۊتەی ڕابەر ئاپۆی و پەکەکەی سەرو شانۆو تاریخیۆ، ئەوەکۊشای شێخ سەعیدی و هەڤاڵاش پڕاوە پەی قۆناغێوە تاریخی تازەی، شۆڕشو ژیۋایۊ نەتەوەیی ئاما ئاراوە و سیاسەتو نکۆڵی و دلېنەبەردەی شکسش ئارڎ."
دەقو ئەرەیاۋناکەو کۆنسەو ڕاوەبەری کەجەکەی پی جۊرەنە:
"ماوەو ١٠٠ ساڵا سەرو جە قەنارەدای شێخ سەعیدی و هەڤاڵاشەرە موېیەرۆنە، کە جە یاڎەوەری گەلو کوردینە بە قوڵی یاگێشا گێرتێنە. هەمیشە بەڕیز و پنەزانایۆ یاڎشا مکەرمېوە. جە ١٠٠ ساڵەو جە قەنارەدایشانە، جارێوەتەر شێخ سەعیدی و هەڤاڵاش بە ڕێزو ئیحترامۆ یاڎې مکەرمېوە و سەرەما ئاستشانە منامنمېرە. هەرپاسە جە کەسایەتیشانە جارێوەتەر بە پنەزانایۆ یاڎو گرڎو گەشمەرڎا شۆڕشی و دیموکراسی مکەرمېوە. گەرەکمانە چێگۆ ئانەی واچمې ئا کۊششەی کەنەکە بۆنەو ١٠٠ساڵەو جە قەنارەدای شێخ سەعیدی و هەڤاڵاشۆ ئەنجامش مڎۆ فرە ماناڎار موینمێش.
شێخ سەعید پېسە وڵاتپارێزنێوە ئازای، زانای و سەرمەشقو گەلەکەیش، ستەم و ناحەقی سەرو گەلەکەیش قبوڵ نەکەرد و جە دژو نکۆڵیکەردەی گەلو کوردی مرداوە. ئا ئەوەکۊشایەی کەردەنش، ناڕەزایێوە تاریخیا جە دژو ناحەقی و نکۆڵی کە سەرو گەلو کوردی ئەنجام مڎریۊ. حەرچڼیچ ئەوەکۊشایشا بە کۆمکووژی و جە قەنارەدای جە لایەنو دۊڵەتو فاشیستی قڕکەریوە سەرکووت کریابۆ، ئاڎې بە مڎرامان، ئازایی و بێ سازشکەردەی جە دۆزەکەیشا لوۍ ۋەرو پەتەو قەنارەی و ئینەیچ هامکاریێوە گۊرەش جە نەریتو مڎرامانو کوردەسانی کەرد. جە ئاکامو ئەوەکۊشای شێخ سەعیدی و سەید ڕەزاینە، هیچ وەختۍ کوردەسان نەبڕیانەرە جە مڎرامانی و ئەوەکۊشای و ئی پرۆسە تا گةشبیەیۆ پەکەکەی درێژ بیۆ. بە بەرکۊتەی ڕابەر ئاپۆی و پەکەکەی سەرو شانۆو تاریخیۆ، ئەوەکۊشای شێخ سەعیدی و هەڤاڵاش پڕاوە پەی قۆناغێوە تاریخی تازەی، شۆڕشو ژیۋایۊ نەتەوەیی ئاما ئاراوە و سیاسەتو نکۆڵی و دلېنەبەردەی شکسش ئارڎ.
ئەوەکۊشای تاریخی گەلو کوردی جە چوارچێوێوە پا جۊرەنە وەڵێکۊت. جە ئیساتێنە بە 'بانگەوازو ئاشتی و گلېرگەی دیمورکراتیک'ـی تاریخی کە جە لایەنو ڕابەر ئاپۆیۆ وەڵێوزیان، ئی ئەوەکۊشایە پڕانۆ پەی قۆناغو بنیاڎنیای ئازادی گەلو کوردی. گەلو کوردی بە سەرکۊتەیی پەرە پی پرۆسەیە مڎۆ و ئەوەکۊشایې کە جە سەردەمو شێخ سەعیدیوە تا ڕۊو ئارۊیما قوربانی گۊرەش پەی دریان ئەنجامگیربۆنە و حەسرەتو ئازادی بەدەس مارۆ و چەمەڕایی شێخ سەعیدی کە وەختې بەردشا چېرو پەتەو قەنارەی پەی ئانەی ڕووەو نەوەکاش سیاو نەکەرۆ و بەردەوامی بڎۆ بە ئەوەکۊشای، پێکمارۆ. با حیچ کەسێ گومانەش چانەی نەبۆ گەلو کوردی ئی ئەوەکۊشایە سەروزۆ. پی یادەوەری و باوەڕیۆ جارێوەتەر جە کەسایەتی شێخ سەعیدی و هەڤاڵاشەنە بە ڕێز و پنەزانایۆ گرڎو گەشمەرڎا شۆڕشی و دیموکراسی یاڎۍ مارمېوە و قەولېوە کە بە گەشمەرڎاما دان واوەیش مکەرمېوە."
