کەجەکە ، "داوا لە گردلایۍ کەرمۍ بە هەستی یۊبییەی و یۊگێرتەییوە خێرامای جە ١و ئایاری کەرا و بە بەقوەتی خێرامایش چەنە کەرا، پا ورێستەیەوەوە پەی وڕنایی هامپەیمانیی ئاکەپەی و مەهەپەی داواو پەشتیوانی جە هامپەیمانیی ڕەنج و ئازاڎی و پارتو چەپی سەوزی کەرمۍ."
کەجەکە ئەرەیاوناش، "داوا لە گردلایۍ کەرمۍ بە هەستی یۊبییەی و یۊگێرتەییوە خێرامای جە ١وو ئایاری کەرا و بە بەقووەتی خێرامایش چەنە کەرا، پا ورێستەیەوەوە پەی وڕنایی هامپەیمانیی ئاکەپەی و مەهەپەی داواو پەشتیوانی جە هامپەیمانیی ڕەنج و ئازاڎی و پارتوو چەپی سەوزی کەرمۍ."
هامسەرۊکایەتیی دەسەو ڕاوەبەریی کەجەکەی بە بۊنەو ۱وو ئایاریوە، داواش جە گرد لایۍ کەرڎە پەشتیوانی جە هامپەیمانیی ڕەنج و ئازاڎی و پارتوو چەپی سەوزی کەرا.
پەیاموو کەجەکەی پەی ۱وو ئایاری و جەژنەو کرێکارا پێسنەن:
"ئێمە ۱وو ئایاری ڕۊو ڕەنجی، یۊگێرتەی و کۊشیای وەڵۍ گرد کەسینە جە چینوو کرێکارا و گردوو گەلا، ژەنا و بندەسا مەبارەک کەرمۍ. وەروو ئانەی، کە ۱وو ئایاری بییەن بە ڕوێوە تاریخی و مەبارەک کریۊ، بە قوربانیدای گەورە و جە ئەنجاموو کۊشیاینە پێک ئامان، چی ڕووەوە ۱وو ئایاری جەژنەو کرێکارا، زەحمەتکێشا و چەوسیاوەکا هەم بە ماناو مدرامانی و کۊشیاین. ئێمە جارێوە تەر جە کەسایەتیی گەشمەرڎاو ۱وو ئایارینە یادوو گردوو گەشمەرڎاو شۊڕشی و دیموکراسی کەرمێوە و قەراروو مدرامانی، کۊشیای و سەرکەوتەی دووەپات کەرمێوە، کە بە گەشمەرڎاما دان.
خەباتوو چینوو کرێکارا جە دژوو سیستەموو سەرمایەداریی کۊلۊنیالیزمی و داگیرکەری جە تاریخوو ئینسانیەتینە یاگێوە گرنگەش هەنە. خەباتوو چینوو کرێکارا و زەحمەتکێشا پەی یەکسانی، ئازاڎی و دیموکراسی، پێسە بەرڎەوامبییەی خەباتی تاریخی ئینسانیەتی گەشەش کەردن و میراتێوە گەورەش پەی ئینسانیەتی جیا ئاستەن. خەباتوو چینوو کرێکاری، کە چەنی ئایدیاڵوو ژیوای سۊسیالیستینە گەشەش کەرڎەن، پەی ئانەی گلێرگە جە ڕووەو نایەکسانی و کۊلۊنیالیزم و داگیرکەری هۊشیار کەرۊوە و کارەکتەروو کۊشەربییەی بەدەس بارۊ، خزمەت و هامکاری و سەرمەشقبییەی پەی گردوو ئینسانیەتی کەرڎەن. چی ڕووەوە خەباتوو چینوو کرێکاری یاگۍ وێش جە خەباتوو یەکسانی و ئازاڎینە گێرتەن، کە جە تاریخنە کەسایەتیێوە جیهانییش هەن و چی ئاستەنە وەڵێکەوتەی وەش کەرۊ.
ئا ئایدیۍ ۱وو ئایاری، کە گێڵاین شۊنەو یەکسانی و ئازاڎیی چینوو کرێکاری، زەحمەتکێشی، ژەنی و گەلە چەوسیاوا و ئانەش بەر وستەن، ئارۊ حیچ یۊ چا مەعنایاو وێشە جەدەس نەدان. ئارۊ داگیرکارییە، کە جە مۊدێرنیتەی سەرمایەدارییوە سەرە ورمدۊ، نایەکسانی قووڵتەر بییەنۊ، تاڵانکەرڎەی و وێرانکەرڎەی سروشتییش قووڵتەر کەرڎەنۊ. پەرەسانای سیستموو هەژاری، جەنگ و کۊکوشی، ئایدیاو جیهانێوە یەکسانین، ئازاڎ و بۍ داگیرکەر جە ۱وو ئایارینە بەر وست و خەباتش پەی ئی ئایدیایا زیادتەر گرنگتەر کەرڎەن. چی ڕووەوە بە بەقووەتی مەبارەککەرڎەی ١وو ئایار و گەورەکەرڎەی کۊشیای پەی ژیوای، جە گرد وەختۍ پەنەوازتەرا.
شۊڕشوو کوردسانی و کۊشیای گەلوو کورڎی جە ئەوەڵۊ تا ئارۊ پەی بەدیئارڎەی داواکارییەکاو چینوو کرێکاری، رەنجدەری، ژەنا و گەلە بندەسا پەی یەکسانی و ئازاڎیین. ڕابەر ئاپۊ پەی وەڵیوەبەرڎەی کۊشیایی سۊسیالیزمی دلۍ پەیجوریێوە گەورەینە بۍ، ئانە بە مەرزنایرەی جمیەروو پەکەکەی و دەسپەنەکەرڎەی کۊشیای جە دژوو کۊلۊنیالیزمی سەلەمنا.
گرنگتریەن تایبەتمەندیی ١وو ئایاری وەڵێوەبەرڎەی یۊبییەی و یۊگێرتەی و بندەسان تەنیا بە یۊبییەی و یۊگێرتەی جە کۊشیاینە دژوو کۊلۊنیالیزمینە سەرۍ گنا. وەروو ئانەی پەی سەرکەوتەی کۊشیای یەکسانی و ئازاڎی فرە گرنگا، ئانۍ کە دژوو فەرمانەکاو کۊلۊنیالیزمی کۊشیا یۊبییەی و یۊگێرتەی وێشا بەقووەت کەرا. وەروو ئا سەبەبا سەرمەشقبییەی چینوو کرێکارا، کە تاریخشا نویستەنۊ، سەرنجەشا کێشتێنە پەی سەروو گرنگیی یۊبییەی و یۊگێرتەی و پەی وەڵیوەبەرڎەی یۊبییەی حەوڵێشا دێنۍ. ئارۊ جە دژوو قووڵبییەیۊ کۊلۊنیالیزموو مۊدێرنیتەی سەرمایەداری، زیادتەر جە جارا پێویسییش بە یۊبییەی هەن. ڕاوەبەرا جمیەری سۊسیالیستیی تورکی بە هەڵوێسوو وێشا ئانەشا نیشانە دا."ڕابەر ئاپۊ" و هەڵوێسی هامبەشوو دەنیز، ماهیر و ئیبراهیمیش درێژە دا پەنە و بۊ یۊگێرتەی و هامبەشی کۊشیای گەلوو کورڎی و گەلاو تورکیای ڕەنج و مانیای فرەش کێشت. جمیەرەکەما بەهۊشمەندی کۊشیای هامبەش گرنگییش بە یۊبییەی گەلاو وەرکەوتوو دلێڕاسەی، بەتایبەتیچ یۊگێرتەی کۊشیای ئازاڎیی گەلوو کورڎی و گەلاو تورکیای و چینوو کرێکارا مدۊ.
هامپەیمانی ڕەنج و ئازاڎی، کە لاو گەلوو کورڎی و هێزە شۊڕشگێڵن و دیموکراتەکاو تورکیایۊ ئەرەمەرزیان، پەی یۊبییەی و یۊگێرتەی هەنگامێوە گرنگەنە. جە وەختێوەنە کە تورکیا بە قۊناغی گرنگوو ورچنیەیرە ملۊ، گەلوو کورڎی و گەلاو تورکیای پێسە هامپەیمانیی ڕەنج و ئازاڎی جە دژوو دەسەڵاتداری فاشیستی ئاکەپە-مەهەپە یۊشا گێرتەن. چی ڕووەوە مشۊم گرد کەسێوە لایەنگێروو دیموکراسی، ئازاڎی، یەکسانی و دادپەروەری پەی ئانەی چی ورچنیەینە هامپەیمانیی ڕەنج و ئازاڎی و پارتوو چەپی سەوزی داراو هێزێوە گەورەی بۊ، کۊشیا. پارێزگاری جە میراتوو دەنیز، ئیبراهیم، ماهیر و کۊشیای سۊسیالیزمی، بەتایبەتیچ بەرزئرمانای یادوو ئا کەسا جە ١وو ئایاروو ١٩٧٧ینە گەشمەرڎۍ بیۍ، ئینە پەنەوازین. ورسونیشت پا هەست و ویرۊکەرڎەیا جە هەمان وەختنە مسۊگەرکەرڎەی داواکارییەکاو ڕابەر ئاپۊین.
بە هەستوو یۊبییەی و یۊگێرتەی ئێمە ١وو ئایاری جە گردوو ڕەنجدەرا، گەلە بندەسا و ژەنا بەتایبەتی چینوو کرێکارا مەبارەک کەرمۍ و داوا جە گرد کەسێوە کەرمۍ، کە بەجۊشوخرۊشۊ خێرامای جە ١وو ئایاری کەرا و جە ورچنیەینە پەشتیوانی جە هامپەیمانی ڕەنج و ئازاڎی و پارتوو چەپی سەوزی کەرا پەی ئانەی هامپەیمانیی ئاکەپەی و مەهەپەی دلێنە بشۊ".
س.ز
