نەورۆزی شکۆدار فرانکفۆرتەنە سەرەڕاو ۋارانی بە بەشداری دەیان هەزار کەسا بە جۆش و خرۆشۍ فرۆ لوواڕاوە. جە مەراسیمەکەنە جارێوەتەر جەخت چانەی کریاوە، کە گەریلاکاو ئازاڎیی کوردسانی و رابەروو گەلوو کوردی عەبدوڵا ئۆجالان ئیراڎەو گەلوو کوردینۍ.
نەورۆزوو ناوەندی شاروو فرانکفۆرت و ئەڵمانیاینە پیرۆز کریا، بە بەشداری هەزاران کەسا لوواڕاوە.
نەورۆز بە پاو رۆحی سەردەمی رۆژەڤێوەش خوڵقنا و جە مێڎانەکا مدرامانینە ئی پەیامشە ئەرەیاۋنا:
" نەورۆزوو ٢٠٢٤ینە جاڕێوەتەر خاوەنداری جە داواو ئازاڎیی رابەروو گەلوو کوردی عەبدوڵا ئۆجالانی و قەوارێوە پۍ کوردسانی کریاوە. جە جەژنەو نەورۆزینە داواکاری ملوێنان کەسا جە ۋەرنیشت، ئامەد، وان، ۋەرکەوت، گەورەشارەکاو تورکیای و فرەو ناوەندا ئەوروپاینە بە جەماوەری وزیۍ ڕووە.
جە گرڎوو مەراسیمەکا نەورۆزینە داواکاری سەرەکی بریتیبۍ جە : ئازاڎیی جەسڎەیی رابەروو گەلوو کوردی عەبدوڵا ئۆجالانی و قەوارێوە پۍ کوردسانی.
مەراسیموو نەورۆزی ئەڵمانیانە کە پێسە فیناڵی بە جۆش و خرۆش و شکۆوە پیرۆزکریا، جارێوەتەر قەرارداری کورداش سەروو کۊشیای نیشانەدا.
نەورۆزوو ٢٠٢٤ بی بە پشگیریێوە پۍ هەزاران زینڎانیا کوردی کە چنڎین مانگێن ۋێڕاگری مکەرا.
بە دەیان هەزار ئینسانۍ جە مەراسیموو مبارەکبایی نەورۆزینە جە ئەڵمانیا کوۍ بیێوە، خاوەنداریشا جە ئیراڎە و قەرارداریەکا مەراسیمەکا نەورۆزی جە کوردسانەنە کەرد.
جە مەراسیمەکا نەورۆزینە هەم پەیامی سیاسی جەماوەری، هەمیچ ئا هەڵوێستەی نیشانەشا دا، پا گیری بۍ سەروو ئازاڎیی جەستەیی رابەروو گەلوو کوردی عەبدوڵا ئۆجالانی.
پێرفۆرمانسوو گەریلای جە مێڎانەکا جەنگینە، بە بەخشای ورە و جۆش وخرۆشۆ، کاریگەریش سەروو مێڎانەکا جەنگی نیارە.
