پیک هجوومەکاو دەوڵەتی ئەرەگیروو تورکیش پەی سەروو بۆ سەر وەرنیشتی شەرمەزارێ کەردێ و واتش: "دەوڵەتوو تورکی وەراوەروو گەلوو کوردیوە کۆکوشیێوەش دەس پەنە کەردەن. پەنەوازا گردوو پارتە کوردییەکا و گەلوو کوردی دژوو دەوڵەتوو تورکی بە ڕۆحێوە نەتەوەییەوە جووڵیاوە".
پارتی ئیسلامیی کوردستانی (پیک) بە ئەرەیاوناێوە نویسیا، هجوومەکاو دەوڵەتی ئەرەگیروو تورکیش پەی سەروو وەرنیشتوو کوردستانی شەرمەزارێ کەردێ.
ئەرەیاونایەکەنە ئاماژە پانەیە کریان، دەوڵەتی ئەرەگیروو تورکی جەنگێوە بێئەخلاقانە و قێزەونش دژوو گەلوو کوردی دەس پەنە کەردن و مەنتێقە مەدەنییەکێ و خزمەتگوزارییەکا کەرۆ ئامانج. ئینەیچە کۆکوشیێوەن وەراوەروو گەلوو کوردی.
پیک داواش وەنەو پارتە کوردییەکا و گەلوو کوردی کەردە، دژوو دەوڵەتوو تورکی بە ڕۆحێوە نەتەوەییوە جووڵیاوە و یەکدەنگێ با وەراوەروو هجوومەکا.
پیک بێدەنگیی جیهانیش وەراوەروو هجوومەکاوە شەرمەزار کەرد، داوا وەنەو دەوڵەتاو جیهانی کەرۆ پێسە چەنی بەگرنگییوە مدیا پەی جەنگوو بەینوو ئیسرائیلی و فەڵەستینی، بە هەمان شێوە گرنگی بدا بە گەلو کوردی و هجوومە دڕندانەکاو دەوڵەتی ئەرەگیروو تورکی مردنا.
