پارتوو ژیۋای ئازاڎیی کوردسانی (پژاک) هجوومەکەو داعشیش پۍ سەروو هۆڵێوە کۆنسێرتی جە مۆسکۆنە شەرمەزار کەرد و ئەرەیاۋناش: چەتەکۍ ئا گروپا و دەوڵەتوو تورکی کە پەشتیوانیشا چنەکەرۆ، مەترسی و هەڕەشێنۍ پۍ سەروو گەلا.
جە ئەرەیاۋنێوەنە کۆمیتەو دیپلۆماسی پژاکی سەرەڕاو شەرمەزارکەردەی هجوومەکەو سەروو هۆڵێوە کۊنسێرتی جە مۆسکۆنە، سەرەوەشیش جە گەلوو رووسیای کەردەن و ئانەش وستەن ڕووە، کە داعش بە ئەنجامدای ئا هجوومەیە جارێوتەر سەلەمناش کە گەورەتەرین هەڕەشۍ و مەترسین پۍ سەروو گەلا.
هەر جە ئەەیاۋناکەینە ئانەیچ ویر وزیانۆ دەوڵەتوو تورکی کە پەیوەندی راسەوخۆش چنی داعشی و گروپە تاوانکارەکا تەری هەن، جە ڕاو ئا گروپاوە قڕکاری و کردەی شەڕانگێزی ئەنجام مڎۆ.
کۆمیتەو دیپلۆماسی پژاکی داوایچش کەردەن، گەلا بە شێوێوە یۊگێرتانە ۋەرپەرچوو گروپە تاوانکارییەکا پێسە داعشی بڎاوە، کە بیێنۍ بە ئامرازێوە دەسوو دەوڵەتوو تورکی ئەرەگیریوە.
دەقوو ئەرەیاۋناکەو کۆمیتەو دیپلۆماسی پەژاکی پی جۆرەنە:
" ئا هجوومە کۊمکوشیەی کریا سەروو مەردمی مەدەنی جە میانوو کۆنسێرتێوەنە جە مۆسکۆو پایتەختوو روسیاینە و بی بە مەڵامەت و زامڎاربیەی دەیان کەسا، بە تنی شەرمەزار کەرمۍ. ئی رووەدایە مایۍ خەم و پەژارەی قووڵیا. بەمەڵامەتوو گیان جە دەسدای دەیان کەسا مەدەنی بێ وەرگیریی سەرەوەشی جە گەلاو رووسیای کەرمۍ. بێگومان ئی هجوومەو داعشی جارێوەتەر سەلەمناش کە ئا گروپە مەترسی و هەڕەشێوە گۊرەن جە دژوو گەلا.
بە دڵنیاییوە ئی جۆرە هجوومە وەحشیانۍ جە دژوو گەلا و کۆمکوشی بێباکانەی، بەشێوەنۍ جە کردەوە نامرۆڤانەکا گروپە تاوانکارەکا پێسە داعشی. ئی گروپە تاوانکارە جە ساڵا ویەردەینە بەشداربیەن جە چنڎین کۆمکوشیێنە بەتایبەتی دژوو گەلوو کوردی.
ئارۊیچەنە گەلاو رووسیای راسەوخۆ جە تەرەفوو ئی تاوانباراوە رووبەڕوو هەڕەشا و مەترسی بیێوە و مشۊم بوچیۆ کە دەوڵەتێوە پێسە تورکیای، کە چنڎین جارۍ سەلەمیان کە پەیونڎیی راستەوخۆ و ئاشکراش چنی داعشی هەن، چا دەوڵەتانە کە بە مەترسی پۍ سەروو گەلا منریۆرە. سیاسەتوو بەکارئاردەی گروپە تاوانکارییەکا بەشێوەن جە پلانەو شەڕانگێزی و کوشتاری و کۆمکوشی دەوڵەتوو ئەنقەرەی. داعش هێزی جە کرمان و ئارۊیچ جە مۆسکۆنە پێسە گروپێوە داردەسوو تورکیای ئی کردەوە دڕنڎانەش ئەنجامدا.
کۆمیتەو دیپلۆماسی "پارتوو ژیۋای ئازاڎیی کوردسانی (پژاک)" سەرەڕاو شەرمەزارکەردەی ئی هجوومە نامرۆڤانەیە، پرسە و سەرەوەشی ۋێش ئاراسەو بنەیانەو گیانبەخشایا و گەلاو رووسیای کەرۆ. هومێڎەوارۍ ئامای دی یەکڕیزی و یۊگێرتەیی گەلانمۍ، دژوو گروپە تاوانکارەکا پێسە داعشی کە مەترسینۍ پۍ سەروو بیەو گرڎوو گەلا و بیەن کەرەسە و داردەسێوە مەترسیڎاروو دەوڵەتێوە پسە تورکیای".
