کۊمیتەو ئەرەیاونای پەژاکی پەی یاڎوو هامڕایا گەشمەرڎاو ئەرەیاونای ئازاڎی، ڕامان جاوید، ئارگەش باوەڕ، فورات چەلۍ، هێرش مەهاباد، ئارمانج مەریوان و وێداد ئامەد، کە جە ساڵەو ٢٠٠٨ینە گەشمەرڎۍ بیۍ ، ئەرەیاوناێوەش وەڵا کەرڎۊ.

دەقوو ئەرەیاوناکەو کۊمیتەو ئەرەیاونای پەژاکی:

یاڎوو هامڕایا ئەرەیاونی ئازاڎی بەرز مازمێوە

ساڵەو 2008 و جە ڕۊو جەژنەو كرێكاراو جیهانینە جە هجوومێوە تەیارەجەنگکەرەکاو دەوڵەتی ئەرەگیروو توركینە پۊلێوە جە هامڕایاو كۊمیتەو ئەرەیاونای ئازاڎوو پەژاكی کەشەکاو كوردسانینە کۊکوشی کریۍ. ئا كۊكوشییە وەختێوەنە کریا كە ڕۊو جیهانیی كرێكارا و ڕەنجدەرا و زەحمەتكێشاو جیهانی پیسە ڕۊو جیهانیی وێشا مزانا و چا ڕووە تاریخییەنە كرێكارۍ و ڕەنجدەرۍ جیهانی قینی و تووڕەیی وێشا ملوو سیستمی سەرمایەداریی جیهانیرە مجا و یۊگێرتەی و كۊدەنگیی چینوو كرێكارا و ڕەنجدەرا پێسە ورچنیەو ڕزگاربییەی جە دەسوو سیستمی قۊرخكاری و دسپۊتی سەرمایەداری و سیستمی مۊدیرنیتەو كاپیتاڵیزمی وینا، ئا ڕووەیە پێسە جەژنەو وێشا وینا، كەچی حەر چا ڕووەنە، دەوڵەتی توركی بەكرێگیریا و دەستەمۊو سیستمی سەرمایەداری و ئەنداموو هامپەیمانیی ناتۊی و كاندیدكریا پەی قبووڵكەرڎەی جە یۊبییەی ئەورووپاینە كۊكوشیێوە دڕندانە کەرۊ، ئینەیچ ئاستوو بێئەخلاقی سیستمی جیهانی نیشانە مدۊ، كە ئا سیستەمە جە بڵندتەرین ئاستەكانە حیچ نرخ و بەهاێش پەی مەبارەکییەكاو ئینسانی و ئینسانیەتی و گلێرگەی مەنیۊرە و گێرا بە وەحشیانەتەرین و وەڵێكەوتەتەرین چەك و تەكنەلۊجیای سەروازی هجووم کەرۊ سەروو نرخ و بەها كۊمەڵایەتییەكا و بە ئامانجوو دلێنەبەرڎەیشا سڵ جە حیچ كارڎایۊیەوێوە هەرێمی و میاندەوڵەتیچ مەکەرۊوە.

پێسە كۊمیتەو ئەرەیاونای پارتوو ژیوای ئازاڎوو كوردسانی "پەژاك"، چەنی ئانەی ڕۊو یەكوو گوڵانی ڕۊو جەژنەو كرێكاراو جیهانی جە گردوو كرێكارا و ڕەنجدەراو جیهانی و بەتایبەتییچ كرێكارا و ڕەنجدەراو كورڎی و جە كەسایەتیی گەشمەرڎاو ئەرەیاونای ئازاڎی "ڕامان جاوید، ئارگەش باوەڕ، فورات چەلۍ، هێرش مەهاباد، ئارمانج مەریوان و وەداد ئامەد"ی مەبارەک کەرمۍ و جە هەمان وەختیچنە، دەسەڵاتی ملهور و ونمجوو دەوڵەتوو توركی و سیستموو سەرمایەداریی جیهانیی ڕسوا و شەرمەزار کەرمۍ.

هامپەیمانیی دەوڵەتاو ئەرەگیروو سەروو كوردسانی و بەتایبەتی دەوڵەتی ئەرەگیروو توركی و ئێرانی و بە هامكاریی ویلایەتە یۊگێرتەكاو ئەمریكا ـ ئەورووپای و ئێراقی، هامپەیمانیەتیێو چنڎ قۊڵییشا جە ساڵەو 2008ینە دژوو جمیەروو ئازاڎیوازوو گەلوو كوردسانی پێك ئامابۍ. بە پاو ڕێككەوتەی ئەمنی ـ پارێزنای بەینوو ئێراقی و ئەمریكایچ، ئشیا جە ساڵەو 2008ینە هێزە سەروازییەكاو ئەمریكای بەتەمامەتی جە ئێراقنە كێشیێنێوە و دۊسیەو ئەمنی ـ سیاسیی ئێراقیشا ڕادەسوو هێزە عێراقییەكا کەرڎۍ. پەوکای جە ئەگەروو بەرکەوتەی ئەمریکای مەنتێقەکەنە ، ئشیا هێزێوە  بیۍ کە بتاوۊمەنتێقەکەنە ئا بۊشایۍ جە كێشیایۊ هێزەكاو ئەمریكاینە وەشە بۊ پەڕ کەرۊوە، خاسترین ورچنیەیچ پەیشا دەوڵەتوو توركی ئەرەگیری بۍ. دەوڵەتوو توركی ماوەو پەنجا ساڵۍ ڕەبەقین پیسە مقاشێوە دەسوو هێزە سەرمایەدارەكا و بەتایبەتی ناتۊ و لای سەری گریچۊ ئەمریكا، دەوروو جندەرمێوە پەی سیستمی جیهانی و كرێگیریایەتیی پەی ئەمریكای و ئەورووپای وینۊ. ڕژێمی ئەرەگیر و فاشیستوو ئێرانیچ هامشێوەو دەوڵەتی توركی پێسە ژێڵۍ چێروو بووڵۍ وێش مڵاس دابۍ، كە ئەمریكا كێشایەوە ورکوۊ سەروو ئێراقی و هەیمەنەو وێش جە ڕووەو سەروازی و سیاسییوە بەتەمامەتی سەروو ئا وڵاتەیرە سەپنۊ.

ئەمریكا و ئەورووپا وەروو ئانەی سازشێوەشا پەی دەوڵەتوو ئەرەگیروو ئێرانی كەرڎەبۊ و ئا ڕژێمەی جە وێشا ڕازی كەرا، ئاسمانوو عێراقی ڕووەو تەیارە جەنگكەرەكاو دەوڵەتوو توركی ئەرەگیریرە کەراوە و جە بێدەنگیی وەڵاتە بەنامۍ دیموكراسی و ئازاڎیوازاو ئەورووپا پەلامارڎای ناوەندوو ئەرەیاونای و چاپەمەنیی پارتوو ژیوای ئازاڎوو كوردسانی مڎا. چا هجووم و پەلامارە كۊکوشكاراناو تەیارە جەنگکەرەکاو دەوڵەتی ئەرەگیروو توركی؛ لایی كەمی شش هامڕۍ كۊمیتەو ئەرەیاونای و چاپەمەنیی پەژاكی بە نامەكاو" ڕامان جاوید، ئارگەش باوەڕ، فورات چەلۍ، هێرش مەهاباد، ئارمانج مەریوان و وێداد ئامەد"ی، یاوۍ كارەوانوو گەشمەرڎاو ڕاو ئازاڎیوازیی گەلوو كوردسانی.

هاموەخت جە ساڵەو 2008 ئەمریكا و هامپەیمانی ناتۊی پە زیاڎتەر پەیوەستكەرڎەی و دڵوەشكەرڎەی دەوڵەتوو فاشیستوو توركی و دەسەڵاتوو ئاكەپەی، پەی زیاڎتەر كەوتەیخزمەتوو سیستمی جیهانی و كرێگێریایەتیی زیاڎتەری، پەلامارەو هەرێموو زاپی و هەرێمەكاو پارێزنای مێدیای و گەریلاكاو ئازاڎیی كوردستانیشا دا. چا وەختۊ تا ئیساتۍ كە ماوەو پانزە ساڵان دەوڵەتوو توركی سەرەڕاو بەكارئارڎەی چەكی كیمیاوی و ئەتۊمی و تاكتیكوو ناتۊی و وەڵاتاو ئەورووپای و ئەمریكای نەتاوانشا ئیرادەو وێگێریی گەریلاكاو ئازاڎیی كوردسانی چا هەرێمانە ماڕا و هەرێموو زاپی و ئاڤاشینی و مەتینای پەی دەوڵەتی ئەرەگیروو توركی بییەن بە جەحەننەم و قەبرسانوو سەروازاو توركی و شكسوو سەد ساڵەو سیاسەتی قڕكەر و فاشیستوو دەوڵەتوو ئەرەگیروو توركی.

یەكوو گوڵانی ڕۊو جیهانیی كرێكارا و ڕەنجدەراو جیهانی جە وەختێوەنە ویر مارمێوە، كە چینوو كرێكارا و ڕەنجدەراو جیهانی زیاڎتەر جە ساڵانی ویەرڎەی چێروو زەختی و فشاری و چەوسنایۊنە و چێروو چەپۊكەو سیستمی ناعەداڵەتی و نابەرابەری و نایەكسانینە و ڕۊبەڕۊ ژیوای و گوزەرانوو چینوو كرێكاری و ڕەنجدەری پەڕزەحمەتتەر بۊ. یۊ چا ڕژێمە ئەرەگیرا کە حیچ نرخ و بەهاێوەش پەی ڕەنج و مانیای چینوو كرێكارا و ڕەنجدەرا و پیشەکەیسا مەنیۊرە ڕژێموو ئێرانین. ڕژێموو ئێرانی حەرچنڎ پاسە وێش نیشان مدۊ، كە سیستەمێوە كۊماری و ئیسلامیین، كەچی جە دلێنەنە، سیستمێوە  بۊرژوازیی چەمجەنەکەر و نۊكەروو سیستمی جیهانین و بۊنەو ورسونیشتوو قازانجواز و بەرژەوەندیواز و هەلپەرەسەكاوە باروو گوزەران و ژیوای چینی ڕەنجدەر و كرێكارییش ئنڎە قورس كەرڎەن، كە تواناو ژیوایشا چەنە بڕیێنۍ، كەچی سیستمی جیهانی بۍ ئانەی تۊزالۍ لجە خەموو ژیوای و سڵامەتی و پارێزنای گیان و یانەو چینوو كرێكارانە بۊ، یا ڕژێمی ئەرەگیروو ئێرانی جیای ئینەی چێرپاوستەی ماف و ئازاڎییەكاو چینوو كرێكارا و ڕەنجدەرا لۊمە کەرۊ، پەرە بە سیاسەتی بازرگانی و سەفەقاتی چێربەچێریی وێش مدۊ، تەنانەت وەراوەروو ئا گرد پاشێلکارییاو مافوو ئینسانی و بێڕێزیكەرڎەی بە نرخە ئینسانییەکا و گێرتەی و ئەشكەنجەدای و زیندانیكەرڎەی و سزادای بێبنەما حیچ كارڎایۊیۍ نیشانە مەدا، پەوکای دامودەزگاكاو مافوو ئینسانی، كە جە لاو نەتەوە یۊگێرتەكاوە بنیاڎۍ نریێنۍ، فۊرمالیتێنۍ و مەتاوا جە ئاستوو واستەیەکا چینوو هەژارا و ڕەنجدەرانە با و گەرەکشانە بە ڕاو بنیاڎنیای ئا دامودەزگایا ڕەوایەتی بە ورسونیشتە بەرژەوەندیوازەکا و دەسەڵاتداریەتییەکا بڎا.

پێسە كۊمیتەو ئەرەیاونای پارتوو ژیوای ئازاڎوو كوردسانی جە ڕۊو جەژنەو كرێكارا و ڕەنجدەراو جیهانینە یاڎوو هامڕایاو گەشمەرڎاو ئەرەیاونای ئازاڎی "ڕامان جاوید، ئارگەش باوەڕ، فورات چەلۍ، هێرش مەهاباد، ئارمانج مەریوان و وێداد ئامەد" ی بەرز مازمێوە. كەسایەتیی ئا هامڕایاما ڕۊڵە حەرە بەئەمەك و ڕەنجدەرەکا كرێكارە هەقەتینەکاو گەلی و نەتەوەی و ئازاڎیوازاو جیهانینۍ، ئارۊ كە ئا ویر و هزر و فەلسەفەو ئا هامڕایاما ئەرەیاونای پارتەكەیمان نوێنەرایەتییشا کەرد؛ بیێنۍ نە ڕئالیتەێوە كۊشیای و ورچەرخیای پەی ئازاڎیی گەلاو ئێرانی و گەلەكەیما جە وەرکەوتوو كوردسانینە، ڕووسیاویی پەی سیستمی جیهانی و بنكەوتەی سیاسەتی قڕكەر و فاشیستوو ئاكەپە ـ مەهەپەی و دەوڵەتوو تورکی ئەرەگیری و دەسوپاکەیشا.

س.ز