قەندیل پەی نەورۆزی ئاماڎەن
گرد ساڵێ پێسەو نەریتێوە بنارو قەندیلینە بە ئاهەنگێوە جەماوەری و بەشداریی دەیان هەزار کەسا و پەیامی گرنگۆ نەورۆز مەبارەک مکریۆ، پەی ئێساڵیچ قەندیل پەی نەورۆزی ئاماڎەن.
پەی ئاماڎەکاریی ئاهەنگو نەورۆزی شارەوانیی بنارو قەندیلی کۆمیتەو ئاماڎەکاریی نەورۆزی زیاتەر جە حەفتێوەن دەسشا کەرڎەن بە ئاماڎەکاریی پەی ئاهەنگە جەماوەرییەکەی، پەی ئینەیچە بەشێوە فرەو ئاماڎەکارییەکا تەمامیێنێ. ئیسەنە هەرمانەو ورڎەکاری و جوانکاریی مەیدانەکەو نەورۆزی کەرا، کە گنۆ وەراوەروو دەگاو ئیندزی دلێ دەشتەو قەندیلینە.
بە شێوێوە گردین تەماموو مەیدانەکاو نەورۆزینە چوارپارچەو کوردستانینە نەورۆزو ئێساڵی بە درووشمو "وەخت وەختو ئازادیی فیزیکیی ڕابەر ئاپۆین"، نەورۆز مەبارەک مکریۆ. چا چوارچوەنە مەیدانو نەورۆزو قەندیلی بە ڕسمێ ڕابەرو گەلو کوردی عەبدوڵا ئۆجەلانی و گەشمەرڎە سەرمەشقاو شۆرشی ڕازییانۆ.
سەرمڕیچ شارەوانی هەرمانە مکەرۆ تا کەشێوی ئارام پەی هاموەڵاتا دابین بکەرۆ تا خەڵکبەبێ قۆرت بەشداریی نەورۆزی بکەرا.
چا بارەوە ڕووناهی حوسین ئەندامو دەسەو ڕاوەبەریی شارەوانیی بنارو قەندیلی واتش، ئێمە گرد هەرمانێوە مکەرمێ تا هەرمانئاسایی بکەرمێ پەی گەلەکەیما بە شێوێوە ئارام و بێ گرفت بەشداریی نەورۆزو قەندیلی بکەرا، پەی ئانەیچە گرد ئاماڎەکاریێوەما کەرڎەن کردوە جە وەشکەرڎەی سەحنەو قەندیلی و ڕازنایۆ مەیدانەکەی بە ڕسمو سیمبوڵاو گەلو کوردی.
ئانەیچشە وات: "بانگەواز جە گردو گەلو کوردی مکەرمێن، بەجۆشۆ بەیا بەشداریی نەورۆزو قەندیلی بکەرا، چون نەورۆزو قەندیلی تایبەتمەندیی وێش هەنش و چا چوارچوەنە بانگەواز وەنەو گردو خەڵکی کەرمێ بە جۆشوخرۆشۆ بەشداریی بکەرا چی نەورۆزەنە".
