قەرەسونگور کانېڕەش ئەشناسیا بە (زوبەیر تەیمور ئۊغلۊ)ی جە ٢ ۍ شوباتیەنە جە ھەرێمو مەتېنای چنی ٧ ھامڕایاو ۋێش جەنگەنە دژوو سوپاو ئەرەگېرو ترکی گەشمەرڎەبی. جەشارو لەندەن و پایتەختو بەریتانېای جە بېناو کەی سی سی مەراسېمێۋە یاڎ کەرڎەیشۊ پۍ سازکریا.

خانەۋاڎەو" تەیمور ئۊغلۊ"ی و ئەنڎاما ڕاۋەبەری خانەۋاڎەو گەشمەرڎا جە بەریتانیا و جمېەرو جۋانا شۊڕشگێڵی و ئەنجومەنو ژەنا ژیانی و فرەو کەسا تەری بەشڎاریشا جە مەراسیمەکەنە کەرڎ.

پۍ قەرەسونگور کانېڕەشی و ھامڕاکاش مێزێۋە یاڎ کەرڎەیۊ نریارەو بە مۊمێو گوڵۍ ڕازناشاۋە.

حەرپاسە ۋێنەکۍ ڕابەر ئاپۊی و فەرمانڎەی سوری چېاگەڕ ھێڤی (جېھان تورکان)ی نریێرە.

دماو دەیەقێۋە ڕێزگێرتەی جە گەشمەرڎا، تۊمارێۋە ڤېدیۊیی سەرو ھورسەنگناکاو قەرەسونگور کانېڕەشی نمایش کریا. دماتەر "یاڵچېن تاتوان" بەنامۍ ئەنجومەنو گەلوو کورڎی و "عەگېد رحا" بەنامۍ تەجەشەیۊ و "عەلی پۊیراز" بەنامۍ کۊمسېۊنو گەشمەرڎاۋە، قسێشا کەرڎۍ.

یاڎەکە بە ۋاتەیۊ دروشمەو "گەشمەرڎۍ مەمرانۍ" دمایش پنە ئاما.

ھ.ش