کۊمسیۊنوو باڵاو ورچنیایەکاو تورکیای چاپکەرڎەی پسووڵەکاو دەنگدای پەی ورچنیەی سەرۊککۊماری و ٢٨یەمین خولوو پەرلەمانیش تەمامنۍ. هاموەخت چەنی تەمامیای پڕۊسەو چاپکەرڎەی پسووڵەکا، دەس کریا بە ڕوانەکەرڎەی پسووڵەکاو دەنگدای پەی حەر ٨٧ هەرێم و بازنەکاو ورچنیەی جە سەرتاسەروو تورکیاینە.

جە ئەنقەرەنە جە ٣ چاپخانۍ جیاجیێنە پسووڵەکاو دەنگدای چاپۍ کریۍ. جە وەختوو چاپکەرڎەی پسووڵەکانە ٥٠ هەرمانکەروو کۊمسیۊنوو باڵاو ورچنیەیەکاو، PTT  و  نویسگەو کەلوپەلەکاو دەوڵەتیچ ئامادۍ بێنۍ.

س.ز