قەسەدە: ١٤ چەتێ کوشیێ
میانگەو ئەرەیاونا و چاپەمەنی قەسەدەی: جە ماوەو ٢٤ سەعاتێ ویەردەو جەنگینە جە پانیشتوو و وەرکەوتوو منبجینە، ١٤ چەتێ کوشیێنێ.
میانگەو ئەرەیاونا و چاپەمەنی هێزەکا سوریای دیموکراتیکی جەبارەو جەنگو ٢٤سەعاتەی ویەردەینە ئەرەیاونێوەش وەڵاکەردۆ. ئەرەیاوناکەی پی جۆرەنە:
"جە قۆڵو پانیشتوو و وەرکەوتوو شار منبجینە، هێزەکێما جوابو هرووژمەکا چەتەکا دۆڵەتو تورکیایشا داوە کە بە پاڵپەشتی فڕۆکەی جەنگی و فڕۆکەی بێفڕۆکەوان ملۆ ڕاوە. جە ئەنجامەن ١٤ چەتێ ئەرەگیرێ دۆڵەتو تورکی کوشیێ."
هیزی چوارشەممە، گروپێوە جە چەتەکا دۆڵەتو ئەرەگیرو تورکی هەوڵشادا بلا کێوو سیریاتەلی، هێزەکێما جوابشا دێوە و چەتێوە کوشیا، ئەوێ تەرێ بڕەمێ.
هەرپاسە هێزەکێما جە دەگاکا ئەبو قەلقل، تل عەرش و قەڵات نەجمێ چالاکییشا ئەنجامدا و جەئەنجاو چالاکیەکەنە ١٠ چەتێ کوشیێ و ژمارێوە تەریچ زامڏارێ بیێ.
هەرپاسە یەکینەکی گەشمەرڏە هارونی جە دژو گلێرۆبییەی چەتەکێ دۆڵەتو ئەرەگیرو تورکی، چالاکییێ فرێشا ئەنجامدێ و جە ئەنجامەنە ٣ چەتێ کوشیێ و ٦ چەتێ زامڏارێ بیێ.
هامکات چنی جەنگو چەتەکا دۆڵەتو ٧ەرەگیرو تورکی، فڕۆکە جەنگییەکێ ئەرەگیرا دەگاکا بیر حەسەم و کۆگاکێ دانەوێڵەی سرینی و سردەو قەرقوزاقی و ئەل تینا، جەعدا و دەوروبەرو بەنداو تشرینی و قۆڵەکێ پانیشتی و وەرکەوتوو منبجیشا بۆمبواران کەرد.
