قەسەدە ؛٢ چەتې کوشیۍ و ٦ی تەریچ زامڎرۍ کریێنێ
قەسەدە ئەرەیاۋناش جە جەنگ و چالاکییەکا ۋەرپەرچدایۆینە ٢ چەتۍ کوشیێنۍ و ٦ی تەریچ زامڎارۍ کریێنۍ. ئاماژەیچ پانەی کریان ٢ درۆنۍ وزیێنێرە واری.
ئەرەیاۋناو قەسەدەی
هێزەكاو سووریای دیموكراتی (قەسەدە) سەبارەت بە مڎرامانەکاشا و ڕووبەڕووبیەیۆ چەتەكا دۊڵەتو توركی جە دەوروبەرو قەراقۆزاقینە ئەرەیاۋنێوەش وەڵا کەرڎۆ.
جە ئەرەیاۋناکەینە ئامان، هېزی جەنگەوانەکېما جە میحوەرو سردەو قەرەقۆزاقینە بە چن ئۆپراسیۆنێوە جوابو هرووژمو هێزەكاو دۊڵەتو ئەرەگیرو توركی و چەتەكاشا داوە، كە چنەشەنە بنكە ئەرەگیریەکۍ توركی و یاگۍ گلېرۊبیەی چەتەكا کریا ئامانج، بەڵام ڕێژەو زەرەرەکا نەزانیان.
ئاماژە پانەیچ کریان، فڕۆكە جەنگییەكۍ دۊڵەتو توركی زنجیرێوە هرووژمێشا دەسپنەکەردۍ و چن دەگێوە دەوروبەرو سردەو قەرەقۆزاقیشا جە پانیشتوو كۆبانۍ کەردۍ ئامانج، چانیشا دەگایەکۍ 'غەسەق، مەلحە، تینح' و فڕگەخانەو سارینی، بۊمبوارانەکەیچ تەنیا زەرەری ماددیش چنەکۊتۍ .
هامكات فڕۆكەی بێفڕۆكەوان و فڕۆكە جەنگییەكۍ دۊڵەتو توركی هروژمشا پەی سەرو دەوروبەرو بەنداوو تیشرینی دەسپنەکەرڎ، هەرپاسە بۊمبوارانو دەگایێچشا كەرد، جەنگەوانەکېما جوابو هرووژمە ئەرەگیریەکا توركیایشا داوە، جە ڕاو ئۆپەراسیۆنۍ وردیۆ شۊنەماو کۊبیەیۆ بەكرێگرتاشا کەرڎ ئامانج جە دەگایەکا سەرنیشتوو بەنداوەكەینە، كە چنەشەنە ژمارێوە چەتۍ کوشیۍ و زامڎارۍ بیۍ، بەڵام ژمارەشا نەزانیان.
چالاکیی یەکنەکاو گەشمەرڎە هارونی
ئانەیچ وزیان ڕووە، یەكینەكۍ گەشمەرڎە هارونی ترۊمبێلێوە سەروازیی چەتەكاشا کەرڎ ئامانج، جگە جە خاڵێوە کۊبیەیۆ كە چنەشەنە مەڕێشا وەشکەردێبێنۍ، كە جە ئەنجامەنە دووۍ چەتۍ کوشیۍ و ششی تەرێچ زامڎارۍ بیۍ.
باس چانەیچ کریان، فڕۆكە جەنگییەكۍ توركی هرووژمشا کەرڎ سەرو دەگاو شێخ عوبەیدی، دماتەر جەنگەوانەکېما دووۍ فڕۆكۍ بێفڕۆكەوانۍ ۋێکوشۍ چەتەكاشا وستێرە واری.
جە دما دمایی ئەرەیاۋناکەینە ئامان، چەتەكۍ هرووژمشا پەی سەرو دەگاو 'شوخ فەوقانی' جە ۋەرنیشتوو كۆبانێ دەسپنەکەرڎ، كۆمپانیاو ئاوەو شارەكەیشا کەرڎ ئامانج، جە ئاکامەنە زەرەری ماددی ۋەرو كۆمپانیاكەی کۊت. ئاماژەیچ پانەی کریان بە درێژای هێزی جموجۆڵی ئاسمانی فڕۆکەو دۊڵەتو تورکی ئەرەگیری سەرو هەرێمەکەی بەردەواما.
