هێزەكێ سووریای دیموكراتیکی (قەسەدە)ی وەڵاش کەردۆ، سەر سەعبو هیزی دۆڵەتو ئەرەگیرو توركی و چەتەكێش هرووژمشا کەرد سەرو قۆڵو سەرتیلی، جە وەراوەرەنە جەنگاوەرەکێما قارەمانانە هرووژمەکەشا ماڕا و تاواشا شش چەتێ کوشانە و نۆی تەرێ زامڏاری بکەرا.

جە ئەرەیاوناکەینە ئامان، سەر سەعبو هیزی چەتەكێ بە پاڵپەشتی فڕۆكەی بێفڕۆكەوانو دۆڵەتو توركی هرووژمشا پەی سەرو بەرەو سەرتیلی ئەنجامدا، جە وەراوەرەنە جەنگاوەرەکێما قارەمانانە هرووژمەکەشا ماڕاو و تاواشا شش چەتێ کوژانە و نۆی تەرێ زامڏار بكەرا، تڕۆمبێلێوە سەروازی چەتەكاشا دلێنە بەرد.

هامكات جە ئۆپەراسیۆنێوەنە هێزەكێما پەی سەرو چەتەكێ دۆڵەتو ئەرەگیرو توركی جە دەگاو تل ئارشی جە پانیشتوو منبجینە چوار چەتێشا زامڏارێ کەردێ و بنكێوەشا دلێنە بەرد.

ئاماژە پانەیە کریان، كاتو ئامادەكاریی چەتەكا پەی سەرو هێزەكاما جە دێر حەفرنە، یەكینەكێ گەشمەرڏە هارونی هرووژمشا کەرد سەرشا بامەڵامەتۆ دووێ چەتێ كوشیێ و دووێ تەرێچ زامڏارێ بیێ، ئەوێ تەرێچ بڕەمێ.

هەرپاسە دووێ چەتێ بە ماتۆڕ سكیل هەوڵشادا دزە بکەرا دلێ خاڵێوە هێزەكاما، بەڵام ڕاگیریشا چنەکریا و چەتێوە زامڏار کریاو و چەتەكەی تەریچ بڕەما و ماتۆڕسكیلەكەشا جیائاست، هامكاتەنە جەنگاوەرەکێما بەچەكی قورس خاڵێوە گلێرۆبییەی چەتەكاشا جە دەگاو ئیمامینە کەرد ئامانج، بەڵام ژمارەو زەرەرەکا نەزانیان.

جە وەاروەرو هرووژمو چەتەكانە، یەكینەكێ پارێزناو ژەنا جە دەگاو عەنیق هەوای و حەمدوش جە تل تەمرینە بنكەکێ دۆڵەتو ئەرەگیرو توركیشا کەردێ ئامانج، بەڵام ژمارەو زەرەرەکا نەزانیان.

باس چانەیە کریا، بەشێوێوە گرڏی هیزی هەشت چەتێ سەر دۆڵەتو توركی کوشیێ و ١٦ چەتێ تەرێچ زامڏارێ بیێ، هەرپاسە تڕۆمبێلێوە سەروازی و دووێ بنكێ چەتەكا کاولکریێ