قەسەدە زرگانەنە چالاکی ۋەرپەرچدایۆیش ئەنجامدا: ٤ چەتۍ دەوڵەتوو تورکی کوشیۍ
قەسەدە ئەرەیاۋناش، کە جە ئۆپراسیۆنێوەنە جە دەگایەکا دەوروبەروو زرگانی ٤ چەتۍ دەوڵەتوو تورکی ئەرەگیری کوشیېنۍ.
ناوەنڎوو ئەرەیاۋناو هێزەکاو سوریای دیموکراتیکی (قەسەدە) جە بارەو کوشیای ٤ چەتاوە ئەرەیاۋنېوەش وەڵا کەرڎۆ.
دەقوو ئەرەیاۋناکەی پی جۊرەنە:
"جە چوارچێوەو ئۆپراسیۆنی ۋەرپەرچدایۊی رەواینە و ۋێپارېزناینە دژوو هجومەکا دەوڵەتوو تورکی ئەرەگیری و چەتەکاشەنە هێزەکېما هېزی سەعات ١٤:٣٠ دەیەقۍ ترۊمبېلێوە سەروازی چەتەکاو دەوڵەتوو تورکی ئەرەگیریشا جە دەگاو تل محەمەدی سەر بە مەنتیقەو زرگانی جە سەرنیشتوو حەسەکەی کەرڎەن ئامانج، جە ئاکامەنە ٤ چەتۍ کوشیېنۍ و ترۊمبێلەکە بەتەمامی دلېنەبریان.
هێزەکېما وەڵۍ ئۆپراسیۆنەکەینە جموجوڵوو ئا چەتاشا وستەبۍ چێروو چەمڎاریوە، کە گەرەکشابۍ دژوو هەرێمەکەی و بنکەکاما هجوم ئەنجام بڎا.
ۋەرپەرچوو گرڎوو هجومەکا دەوڵەتوو تورکی ئەرەگیری و چەتەکاش مڎەیمېوە و بە پاو یاساکا و سیستمی میان نە تەوەیی تایبەت بە ۋېپارێزنای و پارێزنای هەرێمەکاما دژوو تەماموو هجومەکا جمېوە".
