ئاهەنگو نەورۆزی قۆسەرو مێردینینە بە درووشمو "ئەرەپڕە وەختو ئازادی و سەرکەوتەین" کریا، دەیان هەزار کەسێ بەشدارێ بێنێ.

ئەدایاو ئاشتی و قەومێ زیندانییا بە داواو ئازادیی جەسەیی ڕابەرو گەلو کوردی عەبدوڵا ئۆجالانی دەسشا بە ئێشکگێریی دادپەروەری کەرد.

هەرپاسە جەماوەر پۆستەرێ ڕابەرو گەلو کوردی عەبدوڵا ئۆجالانی و مەزڵوم دۆغانی و عەلەمێ و ڕەنگێ سەوز و سور و زەردێشا ئاردێ مەیدانەکەوە.

وەڵێ دەسپنەکردەی ئاهەنگەکەینە جەماوەر دەمو گۆرانییەکاوە ورپڕێ و درووشـمو "بژیوۆ سەرۆک ئاپۆی" و "بێ سەرۆکی ژیوای بمەبۆ" و "ژەنی، ژیوای، ئازادی"ی و "بژیوۆ مدرامانو زیندان"یشا بەرزێ کەردێوە. چەنی دەیەقێو ڕێزگێرتەی، جەماوەری درووشمو "گەشمەردێ نمەمرانێ"یشا بەرزێ کەردێوە.

دمایی گەنجێ ئاویرو نەورۆزیشا کەردۆ.  

کاندیدو دەم پارتی، ئەحمەد تورک تیشکەش وستە سەرو گۆشەگیریی ڕابەرو گەلو کوردی عەبدوڵا ئۆجالانی و واتش: "پەرسەو کوردی بە ستەم چارەسەرە نمەبۆ".

پەرلەمانتارەو دەم پارتی مێردینی بێریتان گونەشە، نەورۆزش وەنەو  ڕابەرو گەلو کوردی عەبدوڵا ئۆجالانی و زیندانییا مەبارەک کەرد. هەرپاسە پەرلەمانتارو دەم پارتی شارەکەی، جۆرج ئاسڵان نرخنایەکاو ڕابەرو گەلو کوردی عەبدوڵا ئۆجالانیش نەورۆزەکاو وەلێنە وانێوە.  

پەرلەمانتارە ساڵیحە ئایدەنیزە واتش: "گۆشەگیری قبووڵ نمەکەرمێ، چونکوم ڕابەرو گەلو کوردی عەبدوڵا ئۆجالان ئیرادەو گەلەکەیمانە. کەس نمەتاوۆن ئیرادەما ڕادەس بکەرۆ. ئەگەر بەڕێز ئۆجالان دوۆ، ئاشتی و ئازادی یاوۆنە وەڵاتی. پێویسا پەرسەو کوردی بە ڕای دیموکراتیکە چارەسەرە بۆ. کرێڵو چارەسەری بەڕێز ئۆجالانا. پێویسا نەورۆز ئازادیی بەڕێز ئۆجالانی و گەلو کوردی بارۆ. کەس نمەتاوۆ ڕا وەردەمو هەڵوێستو کوردی  بگێرۆ".

دمایی ئاهەنگەکە بە گۆرانیێ و ورپڕای دماییش ئاما.