عێراق و ئێران دەربارەو ئاسایشوو سنوورەکا و گژێرەلوای مادەی هۊشبەری کوۍ بیێوە
ئارۊ چوارشەممە، وەزیروو چوەروو عێراقی عەبدولئەمیر ئەلشمەری چەنی هامتا ئێرانییەکەیش تاراننە کوۍ بیێوە، سەبارەت بە پەرسەو ئاسایشوو سنوورەکا و گژێرەلوایۊ مادەی هۊشبەری.
جە ئەرەیاونای وەزارەتوو چوەروو عێراقینە ئامان: «سەرسەعبوو ئارۊی، ئەلشمەری یاوا تارانوو پایتەختوو ئێرانی سەروو خوڵکەو وەزیروو چووەروو ئێرانی».
ئەلشمەری سەرۊکایەتیی شاندێوەش کەردکە پێک ئامابۍ جە بریکاروو دەزگاو هەوڵگێری وفەرماندەو هێزەکاو سەرسنووری وڕاوەبەروو گژێرەلوای ماددەی هۊشبەری و ڕوەبەرووباروو کەسێتی و پاسپۊرتی.
قەرارا شاندەکە گفتوگۊی گرنگ کەرا چەنی لایەنی ئێرانی سەبارەت بە ئاسایشوو سنوورە هامبەشەکاو بەینوو دووە وەڵاتەکا و گژێرەلوای بەینوو دووە وەڵاتەکا وهاموشۊو بەینوو هاموەڵاتییا وحەردووە وەڵاتەکا.
شاندەکە لاو وەزیروو چوەروو ئێرانی، ئەحمەد وەحیدی و ژمارێوە فەرماندۍ ئەمنیۍ و سەروازیۍ کۊماروو ئیسلامیی ئێرانیوە خێرامایشا کریا.
س.ز
