پەرلەمانتارەو سێرتیودەم پارتی سەباحەت ئەردۆگان سارتاشە ئاماژەش پانەیەدا کە مشۆم دەس جە پراکتیکو قەیومی چبەرو یاسای هورگێرتێنە کە بییەن بە پەڵێوە سیاو جە تاریخو تورکیاینە و ئەرەیاوناش ئانەی کە دان بە ئیرادەو گەلوو کوردی نەنیۆرە دلێنە مشۆم.

پەرلەماتنارە سەباحەت ئەردۆگان سارتاشە سەبارەت بە دەس سەرەرەگێرتەی شارەوانی سێرتی پەی ئاژانسو هەواڵو فوراتی (ANF) قسێش کەردە و واتش: "جە ئامەدەنە دۆسیەو هامسەرۆکو شارەوانیما بێ. وەرو هەرمانەی ڕۆنامەوانییە سزاش سەرەرە سەپیا. ویرکەردەیۆ تەسکشا ئی پراکتیکەیە نیشانە مڏۆنە. جارێوە تەر ڕا مەرەیمێ کە حساب پەی ئیرادەیما نەکەرا. جە ئەوەکۆشایما تا دمایی بەردەوامێ بیمێ".

'دلێنە بەرا'                                              

سەباحەت ئەردۆگانە ئاماژەش پانەیەدا کە یەرێ جارێ قەیوم سەرو شارەوانی سێرتیرە نریانەرە، پی جۆرە هرووژم مکەرا سەرو ئیرادەو گەلی و واتش: "ئانێ کە ئارۆ دان بە ئیرادەو گەلیرە مەنیا، جە هورچنیەینە کالانێ بیێنێ و کارمەندی دزیاشا جە باخەڵو وێشا هورگێرتەن. ئانێ دان بە ئیرادەو گەلوو کوردیرە مەنیا، ئانەی دان بە شناسنامە و کلتووری گەلوو کوردی مەنیۆنە، شکست مارۆنە. هەر پۆکەی سیاسەتی دوو ڕووی کە جە لێوە باسو ئاشتیی مکەرا لێوەتەرۆ دان بە ئیرادەی گەلی مەنیۆ، نمەتاو گەلوو کوردی جە هەڵوێس و ئەوەکۆشای گێڵنۆوە. پەی ئاشتیێ شکۆمەند ئامادێنمێ، بەڵام ئەوەکۆشایما جە وەراوەرو قەراری نایاسایی درێژە پنەمرەیمێ. کەس نمەتاو ئیرادەو گەلوو کوردی تەسلیم بکەرۆ".

'دەست جە پراکتیکی نایاسیی هورگێرتێنە'

واتیشش: "ئەر شمە باس جە واڵە و برایەتی سەد ساڵەو کورد و تورکی کەردینە، ناچارێندێ دان بە ئیرادەو گەلی بنەیتیێ. شمە ئی ئیرادەیە دان نەنیەتێ پۆرە شکست ماردێنە. ئە پراکتیکەو قەیومی چبەرو یاسا کە بیی بە دەقێوە سیاو جە تاریخو تورکیای هورشێوناوە. ئانەی کە دان بە ئیرادەو گەلی نەنیۆنە شکست مارۆنە".

'تاڵانکەرێ و دزێنێ'

پەرلەمانتارەو سێرتو دەم پارتی داواش جە گلێرگەو تورکیای کەرد کە جە وەراوەرو ئی قەرارە نایاساییە چنی گەلوو کوردی هەڵوێس هورگێرانە و واتش: "وەرو ئانەی کە قەیوم پەی تاڵانی و دزی ئامان کوردەسان. بانگەواز جە گرڏ کەسێ مکەرو کە بە نامێ ئاشتیی چنیما ئەوەکۆشۆنە".