جە شاروو ئێرفۆرتوو ئەڵمانیای، کوردسانیا بە مەراسیمېوە یاڎوو ٤٥ ساڵەو ئەرەمەرزناو پەکەکەیشا کەرڎۆ. دماو دەیەقېوە ڕێزگېرتەی جە یاڎوو گەشمەرڎا، هونەرمەنڎ هۆزان یڵماز گۆرانیەش پێشکەش کەرڎە.

هامسەرۆکوو فیدراسیۆنوو ئازاڎیی کوردسانی مەندەرەس جانبەک جە ۋەرکەوتوو ئەڵمانیای (فەد-کورد) جە مەراسیمەکەنە قسېش کەرڎۍ و باسش جە گرنگی و مەعنای تاریخی پەکەکەی کەرڎ و سەرنجش وست سەروو گۆشەگیریی ڕابەروو گەلوو کوردی عەبدوڵا ئۆجالانی.

مەندەرەس جانبەک سڵامش جە زینڎانییا سیاسی کەرڎ کە پەی ئازاڎیی ئۆجالانی مانیشا جە واردەی گېرتەن و داواش کەرد گۆشەگیری سەروو ئۆجالانی دمایش پنە بۍ.

جە میانوو مەراسیمەکەینە دروشمەکۍ "بژیۋۆ سەرۆک ئاپۆ"، "ژەنی، ژیۋای، ئازاڎیی" وچیېوە. بەشێوە پۍ مەراسیموو زارۊڵا تەرخان کریابۍ و چن مېزېوەیچ پۍ نمایشکەرڎەو کتێب و گۆڤارەکا کریاوە.

مەراسیمەکە تا شەوۍ دێرۍ درێژەش بۍ.