ئا شاندەی پەی بەشداریکەردەی جە مەراسیمو چەک دلېنەبەردەو گەریلای لوې پەی پانیشتوو کورڎەسانی، جە دەروازەو سنووری خابووریوە ئامې دلې پانیشتوو کورڎەسانی.

ئا شاندەی جە هامسەرۆکاو پارتو یەکسانی و دیموکراسیی گەلا (دەم پارتی) تولای حاتەم ئۆغۆللاریې و تونجەر باقرخانی، هامسەرۆکاو پارتو هەرێمە دیموکراتیکەکا (دەبەپە)ی چیدەم کلیچگون ئوچارې و کەسکین بایندەری پێکئامابې، جە لایەنو پارێزنەرو دهۆکی و پەرلەمانتاراوە خێرامایشا ۋنە کریا.

شاندەکە دهۆک کۆنگرەی ڕۆنامەوانیشا بینا، هامسەرۆکو دەبەپەی، کەسکین بایندەر ئەرەیاۋناش بانگەوازەکەو هێزی و مەراسیمەکەو سەبای ئەرکێوە وزۆنە ئەستۆو گەلا تورکیای، واتش: "چیولای ئەرکو بەدیئاوردەی ئاشتی ئینا ئەستۆو گەلو تورکیای و گەلو کوردەسانینە. ئێمە متمانەما بە سەرکۊتەین. ئارۆ، گەلاو جەهانی پاڵپەشتی جە پرۆسەکەی مکەرا. پی ۋەرپەرسیۆ، ئی پرۆسەی کە سەڎ ساڵێن بەردەواما و داواو گرڎلایێن، بە ئاشتی تاجدار بۆنە. پېسە شاندەکەی بەرەو هەولێر گنمې ڕا و شایەتحاڵې ساتێوە تاریخی بیمې".

واتەواچو سەرۆکایەتیی هەرێمو کوردەسانی، دڵشاد شەهاب ئەرەیاۋناش سەرۆکایەتیی هەرێمی جە سەرەتاوە پاڵپەشتو پڕۆسەکەی بیەن، واتش: "ئێمە پینەی دڵوەشێنمې، سوپاسو ئېژا ئۆجالانی مکەرمې پەی ئی ئاشتییە. دڵوەشێنمې کە یووەم هەنگامەو ئاشتی جە هەرێمو کوردەسانینە نریێنە. پەی ئاشتی حەرچێوې پەنەواز بۆ، ئێمە ئاماڎێنمې. ئاشتی پەی گرڎ لاێوە پەنەوازا. مەراسیمەکەو سەبای، تاریخیا. هیواڎارێنمې بە سەرکۊتەیی بلۆڕاوە".

دماتەر شاندەکە بەرەو هەولێر کۊتې ڕا.