شاندێوە کەنەکەی بە سەرپەرشتی دکتۆر شێرکو محەمەد ئەمینی چنی شاندێوە پەژاکی بە سەرپەرشتی هامسەرۆکۊو پەژاکی، پەیمان ڤیانې سەرو کۊششو یۊبیەی نەتەوەیی و تایبەت بە بەهێزکەردەی یۆبیەی و یەکڕیزی بەینو هێز و لایەنەکا ۋەرکۊتوو کوردەسانی گلېرې بیێوە.
هېزی شاندو کۆنگرەو نەتەوەیی کوردەسانی (کەنەکە) کە پێکئاما بې جە زەینەب مسەفای، د.شێرکو حەمە ئەمین، شۆڕش خدر و د.یوسف حەسەنی کە جە لایەنو شاندو پارتو ژیۋای ئازادی کوردەسانی (پەژاک)یۆ پەیمان ڤیانې، گوڵان فەهیمې و ئامەد شاهۆیۆ خێرامایشا کریا.
جە گلېرۆبیەکەینە پێشئامای و گەشەئەسایەکې ناوچەکەی و ئاژەو ئی دماییەو ئێرانی و هەر چوار پارچەو کوردەسانی و بە هێزکەردەی یۆبیەی نەتەوەیی جە ما بەینو هێز و لایەنە سیاسییەکانە جە ۋەرکۊتوو کوردەسانی بە تێر و تەسەلی تاوتۆێ کریې.
جە گلېرۆبیەکەینە سەبارەت بە گرنگی و پەنەوازی بەهێزکەردەی یۆبیەی و یەکڕیزی و وەشکەردەی کۆدەنگی بەینو هێز و لایەنە سیاسییەکا ۋەرکۊتوو کوردەسانی قسەوباس کریا و ئاماژە پانەی دریان کە دەرفەتێوە ئاڵتونی و تاریخی پەی گەلو کوردی جە ۋەرکۊتوو کوردەسانی رەخسیان کە گرڎ هێز و لایەنێوە پەنەوازا بە ۋەرپرسیاریۆ جمۊوە.
گلېرۊبیەکەی ڕۊو دووەشەممەی ٧و تەمووزو ٢٠٢٥ ی جە کەشە سەرکەشەکا کوردەسانینە لواڕاوە.
