هیزی پەرلەمانتارێ پارتی دیموکراسی و یەکسانی گەلا (دەم پارتی) پەروین بوڵدانە و سری سورەیا ئۆندەر چنی ڕابەر ئاپۆی جە ئیمرالینە دیدارشا ئەنجامدا.

شاندو ئیمراڵی دەم پارتی، سەبارەت بە دیدارەکەیشا کە ماوەو ٤ سەعاتا بییەن بەیاننامێوەشا وەڵا کەردۆ. دەقو بەیاننامەکەی پی جۆرەنە:

"ئێمە پێسەو شاندو ئیمرالی دەم پارتی، جە ٢٢ی کانوونو دووەمی ٢٠٢٥ جە دوورگەو ئیمرالینە چنی ئێژا عەبدوڵا ئۆجالانی چەمپنەکەوتەیما ئەنجامدا."

جە مییانو دیدارەکەینە ئێژا ئۆجالان سەرەتا سەرەوەشیش جە کەسوکارو ئا کەسا کەرد کە بە مەڵامەتو ئێر کەوتەکەو 'بۆلو' گیانشا جەدەسدان وهیواو شیفایش پەی زامڏارا واست."

شاندەکەما ئەنجامو ئا گلێرۆبییا کە ئەنجامشا دابێ پێشکەشو ئێژا ئوجالانیشا کەرد.

هەوڵەکێ ئێژا ئۆجالانی پەی ئی قۆناغەیە بەردەوامێنێ. دماو تەمام بییەو ئامادەکارییەکا سەبارەت بی بابەتەیە، بەیاننامێوە پەنەواز پەی ڕاو گرڏی وەڵا کریۆوە.

پێسەو شاندەکەی، بەردەوامێ بیمێ جە ئەوەکۆشایما و پەیوەندیەکاما و هەر کاتێ وەڵکەوتەی ڕوەدۆنە، ڕاو گردیش چنە ئاگادار مکەرمێوە.

ئی قۆناغە پەی هەر کەسێ و پەی گرڏیما ژیوایێ ئازاد و پێوەری مڕەخسنۆنە. بە هیواو بەدیئاردەو ئی ئامانجەیە، هیواو بەشداریی بەنرخ جە گرڏو بەشەکا گلێرگەی مکەرمێ."