نوسینگەو ئەوەکۊڵیای تاوانەو تیرۆرو داواکارو گرڎی کۆمارو ئەستنەبوڵی جە چوارچێوەو ۋنەپەرسایۆ "پڕوپاگەندەو ڕێکوستەینە" دەربارەو سەرۆکو نوسینگەو یاسایی ١و ئەستەنبوڵی ئیبراهیم ئۆزدین کابۆگلو و ١١ جە ئەنداما لوجنەو ڕاوەبەرو نوسینگەکەی دۆسیێوە ئەوەکۊڵیایش کەردەنۆ.

دۆسییەکە کە دەربارەو کابۆگلوی و ١١ ئەندامۍ لوجنەکەی پەی وستەیرەی ڕاوەبەریەکەیشا کریانۆ و هەرپاسە بە بەهانۍ "پڕوپاگەندەو ڕێکوستەی" جە شالیارو جبەری قەرارو ئەوەکۊڵیای دریان.

داواکارو گرڎیی کۆماریی ئەستەنبوڵی بە بەهانۍ ئانەی نوسینگەو یاسایی ئەستەنبوڵی پێوەس بە تیرۆرکەردەی هەردووە ڕۆنامەوانا نازم داشتانی و جیهان بیلگینۍ کە جە سەرنیشت و ۋەرکۊتوو سووریای جە لایەنو دۊڵەتو تورکی قڕکەریوە تیرۆرۍ کریۍ، سەرو هەژمارو 'میدیاو دیجیتاڵی ئیکس'یۆ بابەتشا وەڵاکەردەنۆ، پېوەس بە سەرۆکو نوسینگەو یاسایی ئەستەنبوڵی کابۆگلو و ئەنداماو لوجنەو ڕاوەبەری ۋنەپەرسایۆ دەسپنەکەردەبۍ.

ئەرەیاۋېېا وشکنای پۆلیسی جە کارگە و یانەو ئەپۆزدەمیرینە بەردەواما.