شاندی مېیاننەتەوەیی کۊتې ڕا پەی مېڎانو مەراسیمەکەو گەریلای
بە مەبەسو ڕووماڵکەردەی مەراسیمە تاریخیەکەو گەریلای، شاندێوە مېیاننەتەوەیی کۊتې ڕا پەی مېڎانو مەراسیمەکەو گەریلای.
چېرو نامې "گرووپو ئاشتی و گلېرگەی دیموکراتیک"ینە هێزەکې گەریلای مەراسیمێوە ئەنجام مڎا.
پەی ڕووماڵکەردەی مەراسیمەکەی، کە دماو بانگەوازە ڤیدۆییەکەو ٩و تەممووزو ٢٠٢٥ـو ڕابەر ئاپۆی، شاندێوە مېیاننەتەوەیی جە ئۊرووپاوە یاوا سلێمانی. شاندەکە دماو یاوایشا بە ناوچەو دووکانی جە سنوورو پارێزگاو سلێمانی، کۊتې ڕا پەی مېڎانوو ئەنجامدای مەراسیمەکەو گەریلای.
هەرپاسە سەڎان ڕۆنامەوانې هەرێمی و مېیاننەتەوەیی پەی ڕووماڵکەردەی مەراسیمەکەی، کە قەرارا جە شاشێوە نیشانە بڎریۆ، ۋەر بەرەو هۆتێل ئاشوورینە جە دووکان گلېرې بیێنێوە و چەمەڕاو ڕووماڵکەردەی مەراسیمەکەینې جە شاشەکێوە.
