شانڎێۋە کەنەکەی پۍ پەرسو یۊ بیەی جە دژو پەیماننامەو "لۊزان"ی سەرداو جمیەرو دیموکراتو گەلو کورڎسانېش کەرڎو جەختشا سەرو یۊ دەنگی گەلو کورڎی کەرڎۊ.

شانڎو کەنەکەی بە سەرۊکایەتی ئەحمەڎ قەرەموس ھامسەرۊکو کۊنگرەو نەتەۋەیی کورڎسانی- کەنەکەی و شانڎو جمیەرو دیموکراتو گەلېچ بەسەرۊکایەتی خدر ڕوسی سکرتێرو پارتەکەی جە شارو ھۊلێری گلێرۍ بیێۋە.

ئەحمەڎ قەرەموس، ھامسەرۊکو کەنەکەی ئاماژەش پانەی کەرڎ کە سەرداکەیشا جە درێژەو ئا سەردایانانە بیەن کە ڕوۋانی ۋەڵېن بە مەبەسو ئاماڎەکەرڎەی پۍ ئەنجامداو کۊنېشتەو ١٠٠ ساڵەو پەیماننامەو لۊزانی ئەنجامشا دان.

قەرەموس ئاماژەش پانەیچ کەرڎ، کۊنېشتەکەی جە یاڎو ١٠٠ ساڵەو پەیماننامەو لۊزانینە ئەنجام مڎانە کە ھەڵۋێسو کورڎو کورڎسانیا دیاری کریۊنە.

لا ۋێچشۊ خدر ڕوسی، سکرتێرو جمیەرو دیموکراتو گەلو کورڎی ئەرەیاۋناش:'' ئێمە پەشتېۋانی جە دەسوەڵێۋستەکەو کەنەکەی مکەرمۍ و بە زەرورش مزانمۍ یەک ڕیزی و یۊ دەنگی لایەنەکا بۊنە.

ھ.ش