کۆنفرانسوو ئازادیی جەستەیی ڕابەر عەبدوڵا ئۆجالانی بە دروشموو "بە فەلسەفەو ژەنی، ژیوای، ئازادی،ی ئازادیی جەستەیی ڕابەر ئاپۆی مسۆگەر کەرمێ" هۆڵوو ئەنجوومەنوو ڕەقەینە دەسش پەنە کەرد.

کۆنفرانسەکە کۆنگرەو ستاری و کۆمەڵەو ژەناو زەنوبیای ئامادە کەردەبێ. ئەنداماو هەردووە لایا، ئەنجوومەنوو ژەناو سوریای، نویسگەکاو ژەناو حزبەکاو ڕەقەی، نوێنەراوو وێڕاوەبەریی دیموکراتیکوو سەرنیشت و وەرکەوتوو سوریای، جمیەرێ و ڕێکوزیایەکاو ژەناو هەرێمەکەی بەشدارییشا کەرد. هەرپاسە کەسایەتیی سەربەوێ و نویسەرێ، شاعیرێ و ژەنە پزیشکەکێ، بەشێوە جە مێمانا دیمەشق، حمس، حەما و لازیقییەی بەشداریی کۆنفرانسەکەیشا کەرد. کەسێ تەرێچ پانیشتوو کوردستانینە و وەرکەوتوو ڕاو بەرنامەو زوومیوە، بەشداری کەرا.

 کۆنفرانسەکەنە بابەتی سەرەکی پێسە "ئەنجاموو پیلانگێڵنیی میاندەوڵەتی و کاریگەرییەکاش سەروو دۆخی سیاسی"، "تاوانەکاو دژوو ڕابەر عەبدوڵا ئۆجالانی بە پاو پیمەرە میاندەوڵەتییەکا" و "هەڵمەتەکا پەی بۆ ئازادیی جەستەیی ڕابەرعەبدوڵا ئۆجالان"ی تاوۆ کریا.  

زلێخا عەبدییە هامسەرۆکەو لوجنەو پەروەردەی و فێربییەی کانتۆنوو ڕەقەینە کۆنفرانسەکەنە واتش: "بە پڕۆسێوە تاریخیی هەستیاررە ویەرمێ، جوابدەرەوێ مدرامانی و وەرگێریکەردەی جە دەستکەوتەکامانمێ و واتش. ئارۆ چێگە ئا چینێ کە ڕووبەڕووێ تیرۆروو داعشی بیێنێوە، کوێ بیێنێوە".

زلێخا عەبدییە هۆشدارییش چانەیە دەوڵەتوو تورکی جە داعشی خۆفناکتەرا و واتش: "دەوڵەتوو تورکیای تەماعەش وەرکەوتوو دلێڕاسەینە هەنە و کۆکوشی چا یاگانە کەرۆ کە ئەرەگیرێش کەردێنێ، فرەو وەڵاتا ددانشا بە کۆکوشییەکاو عەفرینی و سەرێکانی و گیرێ سپییرە نیان".

 درێژەو قسەکاشنە زلێخا عەبدییە واتش ؛ " پەی ماڕای پیلانگێڵنیی میاندەوڵەتی، پێویسا ژەنی دەنگوو وێشا  یۆ وزا و پێوە پەی ئازادیی جەستەیی ڕابەر عەبدوڵا ئۆجالانی کۆشیا.  

زڵێخا عەبدییە هامسەرۆکەو لوجنەو پەروەردەی و فێربییەی کانتۆنوو ڕەقەی، وەعدوو پەرەدایش بە کۆشیای و خاوەنداری جە خەتەو گەشمەردا ئەوەخوای کەردۆ پەی ڕزگارکەردەی خاکە ئەرەگیرکریایەکا.

کۆنفرانسەکە بە وتاروو ئەنداموو جمیەروو هیلالی ئاڵتوونی ڕۆشنویری ژەنا شاعیر مێدیا سلێمانە و باس سەروو پەرسە دیاریکریایەکا درێژەش هەن.