شاروو سلێمانیینە، ڤێستیڤاڵێوە هەرمانە دەسیا پەی٨٠ ژەنا کریاوە
ئارۆ، شاروو سلێمانیینە ڕێكوزیاوە ژیوایبەخشا پەی پەرەپەندای ئینسانی، فێستیڤاڵێوە هەرمانەو دەسیشا پەی ٨٠ ژەنا بە بۆنەو ڕۆو جیهانیی ژەناوە ڕێک وست.
سەرسەعبوو ئارۆی شاروو سلێمانیینە، ڕێكوزیاوە ژیوایبەخشا پەی پەرەپەنەدای ئینسانی، فێستیڤاڵێوە هەرمانەو دەسیشا پەی ٨٠ ژەنە دەسڕەنگینا ڕێک وست، کە دلێشنە هەرمانە دەسییەکاو وێشا ئرمانێ.
ڕێکوزیاو ژیوایبەخشا ئی فێستیڤاڵەشا ساز دان و دابینکەردەی پەنەوازییەکاو فێستیڤاڵەکەی پەی ئا ژەنا، کە بەشدارییشا دلێنە کەردەن بێوەراوەرا، ئینە پەی جاروو دووەمین ئی فێستیڤاڵەیە کەراوە.
ئامانج جە کەردەیۆ ئی فێستیڤاڵەیە، ڕەخسنای هەلوو هەرمانێن پەی ئا ژەنا، کە بوارێوەنە تواناشا هەنە تا جارێوە تەر تواناکاشا وزا ڕووە، بەشداراو فێستیڤاڵەکەی فرێشا ئا ژەنێنێ، کە بەرشیێ زانکۆ و پایمانگاکانێ، کە نەتاوانشا بوارەکەو وێشانە مەرزیارە، ڕێکوزیاکە هەوڵێشا دێنێ، هەلێوە هەرمانێشا پەی بڕەخسنا و بژێویێوەشا پەی ڕەخسنا.
