شەڕدا ئازادی، یوە جە گەریلاکاو یەژا ستاری واتش، گەریلا هێزوو وێشا جە ویرۊکە و فەلسەفەو ڕابەروو گەلوو کوردی عەبدوڵا ئۊجالانی ورگێرا و واتش:"ساڵەو ٢٠٢٤ینە بە سەرمەشقایەتیێوە قەوەت و ڕۊحێوە فیداییانەوە، کۊشیەیمێ".
گەریلاکاو ئازادیی کوردستانی ساڵەو ٢٠٢٣ ئۊپەراسیۊنی شۊڕشگێڵنانەی سەرکەوتانەشا دژوو دەوڵەتی ئەرەگیروو تورکی کەرد و گورزی قورسشا وەنەو ئەرەگیرا دا. یوە چا گەریلایاو یەژا ستاری، شەردا ئازادەنە کە سەبارەت بە جەنگ و مدرامانەکاو ساڵەو ٢٠٢٣ ورسەنگنایش پەی ئاژانسوو فوراتی کەرد.
شەڕدا ئازادی واتش، گەریلا ساڵەو ٢٠٢٣ بە ڕۊحێوە فیداییوە ئەرەگیرێشا ماڕۍ و واتش: " ساڵەو ٢٠٢٣ بە جەنگێوە فرە سەختەرە ویەردیمێ. دوژمن چەکی کیمیاوی و گرد نۊعە ڕێبازێوە نائینسانانەش دژوو ئێمە بەکار ئارد. سەرەڕاو گردوو فشار و دەرفەتە سنووردارەکا، چالاکییە گەورەکۍ کریێ. هامڕێما بە کۊشیای و مدرامان و بە ڕۊحی فیداکارییوە سەروو دوژمنیرە سەرۍ کەوتێ. لوۍ دلۍ سەنگەرەکاو دوژمنی و دێشا وەنە، ئینە نیشانەش دوژمن وەراوەرماوە چندە لاوازا. هیچ هێزۍ نمەتاوۊن دژوو ئیرادەو گەریلای مدرۊ. وەراوەروو گردوو هجوومەکاوە نیشانەما دان کە سەرۍ گنمێ. هەمان وەختەنە فرەو هجووم و هەرمانە دڕندانەکا کە سەروو گەلیمارە ئامێنێ. قینیی ئێمەش فرەتەرە کەردێنە. ئێمە پەی ماڕای ئی گرد هجووما و گۊشەگیرییە کە سەروو ڕابەرایەتیماوە هەن هێزوو وێما بەکار مارمێ.
' بە چالاکییەکاما پەیام بە دوژمنی مدەیمۍ '
شەڕدا ئازادی واتش:"چالاکییە کاریگەرەکاو گەریلای گرد پەیامێوە بێنۍ پەی دوژمنی و درێژەو قسەکاشنە واتش، گەشمەردەبییەی هامڕا فەرماندار لەیلۍ توانێوە فرێش دایمۍ پەنە. ساڵەی وەڵینە هامڕێما ڕوکەنە و سارا مێرسیننە چالاکییشا کەرد. ئێساڵ هامڕا ئەرداڵ و ڕۊژهات ئەنقەرەنە چالاکییشا کەرد، ئینە گرد پەیامی قەوەت بێنۍ پەی دوژمنی. یانۍ هیچ نۊعۍ مەتاوسدۍ وەربەسۍ بیدێ. ئا هامڕۍ پەیما بیۍ بە تارێخ و ڕۊحی ئاپۊییشا نیشانە دا. ئێمە چا چالاکییاوە هێز و مۊڕاڵما ورگێرت و ڕاشا بییە بە میرات پەیما. ئێمە هەمیشە هجوومەکا وەرپەرچ مدەیمێوە، هێزوو وێما جە ویرۊکەردەی و فەلسەفەو سەرۊککۊماریوە ورگێرمۍ، پەوکای بەدڵنیاییوە ئاخرۊ سەرگنمێ".
"بە ڕۊحی فیداییانەوە کۊشیەیمێ"
شەڕدا ئازادی ئاخروو قسەکاشنە سەروو دەوروو ژەنە گەریلاکانە واتش:"بە گردی دەوروو ژەنا جەنگەکاو ٢٠٢٣ یەکلاییکەرەوە بێ. یەژا ستار چالاکی و مدرامانی گەورەش نیشانەو دوژمنی دا، پێسە هامڕا ژەنا ئا هەرمانا کەرمۍ، کە ڕابەر پەنەش بەخشێنمێ. جە ڕووەو تاکتیک و تازەبییەیۊنە خوڵقکاریی کەرمێ. بێگومان ساڵەو ٢٠٢٤ ساڵەو سەرکەوتەی و ماڕای گۊشەگیری بۊ سەروو ڕابەر ئاپۊی و کوردستانێوە ئازادنە بەئازادی مژیومێ. پێسە ژەنا، قەرارما دان، کە چێش ڕووە بدۊ، ئێمە قەوەتتەر بەشداریی چالاکییەکا کەرمۍ و سەرکەوتەی هینوو ئێمەن".
