جە چوارچێوەو ڕۊو جەهانی مافەکا مرۆڤیەنە نویسەر و ئەوەکۊڵیەری سیاسی و میدیاکاروو میسری ئیلهامی ئەلمەلیجی، جە بەشوو زانستە سیاسیەکا د. فەرناز عەتیە و یاگەگیروو سەرۆکوو ناوەندوو عەرەبی پۍ ئەوەکۊڵیای ستراتیجی د. موختار خەباشی ئا پەرەئەسایا کە ڕابەروو گەلوو کوردی عەبدوڵا ئۆجالانی پێشکەش بە گرڎوو گلېرگەی و گەلاش کەرڎەن، حەرپاسە پرسوو گۆشەگیری ئیمراڵیچشا هۊرسەنگنا.

'ئازاڎیی عەبدوڵا ئۆجالانی پۍ کێشەکاو ۋەرکەوتوو دلېڕاسەی بۊ بە چارەسەرێوە هەمیشەیی'

نویسەر، ئەوەکۊڵیەری سیاسی و میدیاکاروو میسری ئیلهامی ئەلمەلیجی سەرنجش وست سەروو دەسکۊتەکا کەسایەتی عەبدوڵا ئۆجالانی و واتش، "عەبدوڵا ئۆجالان کەسایەتیېوە بێهامتان، کۊششکار و شۆڕشگێڵنېوە ۋېڕاگرا. ئاردەینەی رۆشنفکریش پێشکەش بە گرڎوو مرۆڤایەتی کەرڎەن. چی ڕوۆ من باس جە ئەنسیکلۆپێدیاو مانیفیستۊی شارستانیەتی دیموکراتیکی کەروو کە پۍ رزگارکەرڎەی مەنتیقەکەی جە قەیرانەکا، گرنتی دیموکراتیکا. ئازاڎیی جەستەیی نویسەری، ڕابەروو و فەیلەسوف عەبدوڵا ئۆجالان، چنی بیەی بەقیمەتوو ئاڎیی دلۍ گەلەکەیش و گەلاو ۋەرکەوتوو دلېڕاسەینە بە گرڎی پۍ پرسوو کوردی چارەسەرێوە هەمیشەییا. حەرپۊکەی مشۊم عەبدوڵا ئۆجالان ئازاڎ کریۆ".

'پڕۆژەو نەتەوەی دیموکراتیکی گۊرەتەرین پڕۆژەن جە بواروو پێوەرە ژیۋاینە'

جە بەشوو زانستە سیاسیەکانە د. فەرناز عەتیە سەرنجش وست سەروو کۊشیای عەبدوڵا ئۆجالانی پەی مافەکاو ژەنا، یەکسانی و پېوەرە ژیۋای ئاشتیانەی و واتش، "ڕۊو جەهانی مافەکاو مرۆڤی مبارەک بۆ، بەڵام چی ڕووەنە مشۊم یادێوە کەرمېوە جە بەڕێز عەبدوڵا ئۆجالانی فەیلەسوفی و کۊششکاری و ساحیب و پڕۆژەو نەتەوەی دیموکراتیکی، کە گەورەتەرین پرۆژەو پېوەرە ژیۋایا. چی وەختەنە مشۊم داواو ئازاڎیی بەڕێز ئۆجالانی کەرمۍ و قەناعەتی تامامەتیما پانەی بۆ. گرڎوو رێکوزیاکا و ئەرەمەرزیا مەدەنیەکا مشۊم پەشتەو ئا داواکارییە رەوایۊ با. بەڕێز عەبدوڵا ئۆجالان سەرنجش وستەن سەروو مافەکاو ژەنا. حەرپاسە سەرنجیجش ئینا سەروو پێوەرە ژیۋای ئاشتیانەی و ئازاڎیی و دیموکراسی. عەبدوڵا ئۆجالان ڕەمزوو بیەو مافەکا مرۆڤیا، مەعقولیەتش چنە نیا ئی فەیلەسوفە زینڎانەنە بۆ و دوور جە بنەیانەی و دەوروبەرەکەیش بۆ".

'مشۊم گەلوو کوردی هۊرزۊ سەروو پەیا'

یاگەگیروو سەرۆکوو ناوەندوو عەرەبی پۍ ئەوەکۊڵیای ستراتیجی د. موختار خەباشی باسش چانەی کەرڎ، عەبدوڵا ئۆجالان جە سەران سەروو جەهانینە بیەن بە ڕەمزوو چارەسەری پرسوو کوردی و پی جۆرە بەردەوامبۍ، "ئا کەسە چېروو هەلومەرجوو رێککەوتەی کەمتەر ۋینیای میان نەتەوەیی و هەرێمینە زینڎانی کریا. دماتەر جە ساڵەو ١٩٩٩ینە سزاو جە قەنارەدایش سەرەرە سەپیا. بەڕێز عەبدوڵا ئۆجالان جە ماوەی ٢٥ ساڵانە فرە بە کەمی پەیوەندیش بە بنەیانەکەیشۆ کەرڎەن، پەیوەندیش چنی پارێزنەرا و تیموو پارێزنەراش نییا. جە مافوو هیوای بە پاو یاساکاو ئەوروپای، داڎگاو مافەکاو مرۆڤوو ئەوروپای یاخوڎ جە بنەماکاو داکۆکیېوە داڎپەروەرانەی، بێبەشا. ئێمە داوا جە گەلوو کوردی کەرمۍ کە پەی ئازاڎیی ڕابەر عەبدوڵا ئۆجالانی هۊرزا سەروو پەیا".