بە ئاماڎەبیەی ئەنڎاماو دەسەی ڕاوەبەری شەنگالی، دەسەو هۆزەکا، ئەنجومەنوو گەلوو شەنگالی، تاژێ، جمیەروو گەنجاو ئێزدی و ئامادەبیەی قاسم کەشکۆی، کۆنفڕانسێوە ڕۆنامەوانی سازکریا.

بە نامۍ ئەنجومەنوو ۋېڕاوەبەری شەنگالی نایف شەمۆ، هامسەرۆکوو ئەنجومەنوو ۋېڕاوەبەری دیموکراتیکی شەنگالی، قسېس کەردۍ و ئەرەیاۋناش، کە جە ئەنجومەنوو موسڵینە کورسیېوەشا بەدەسئارڎەن و واتش:"نوێنەرەکەما مامۆسا قاسم کەشکۆ سەرکۊتەیش بەدەسئارڎ. مبارەکبایی ئی سەرکۊتەیە جە گرڎوو ئێزدییەکا و جە تەماموو کەسوکاروو گەشمەرڎا کەرمۍ. پادێ بەمەڵامەتوو ڕەنجی گۊرەو گەشمەرڎاوە بیەیش هەن. جە ڕەنجوو جەنگەوانا و مرۆڤە ئازاکاوە بەدەس ئامان ئیتر مەبۆ گەلەکەما ڕا بڎا ۋۍ ورەشەکۍ سەرشارە حوکمڕانی کەرا. با ڕۆڵەکۍ ئێزدی کە ساحیب شەرەف، ویژدان، ئازایەتی و دڵسۆزیینۍ نوێنەرایەتی ئێزدییەکا کەرا. جارێوەتەر ئی سەرکۊتەیە جە گرڎوو گەلەکەیما مبارەک کەرمۍ."

حەرپاسە جە کۆنفڕانسە رۆنامەوانیەکەنە قاسم کەشکۆ پەیامێوەش داو واتش:"ئێمە دژوو گرڎوو ئا کەسانمۍ کە گەرەکشانە ستەم جە گەلەکەیما کەرا. بە تایبەتی دژوو کردەوەکا پەدەکەی مردمېوە. نیمەی زیاتەروو شەنگالی هەڵای کاولا، هەرمانە پۍ ئاوەڎانکەردەیشۊ کەرمۍ. جیا چانەی من هەرمانە پۍ ۋېڕاوەبەری گەلەکەیما کەروو."

حەرپاسە فەرماندەیی ئاسایشوو گرڎیی ئیزیدخانی بە کوڵە پەیامێوە نوویسیا مبارەکبایش جە گەلی کەرڎ و واتش:"وەڵۍ گرڎ چېوېنە جە ڕابەر ئاپۆی، گەشمەرڎا، گرڎوو گەشمەرڎاو کۆکوشی، ئەڎایا، یەبەشە، یەژەشە و ئاسایشوو ئیزیدخانی، کەسایەتیە وڵاتپارێزەکا مبارەکبایی ئی سەرکۊتەیە کەروو، حەرپاسە ئی سەرکۊتەیە جە ئیزیدخانی مبارەک کەرمۍ و پۍ ۋېڕاوەبەری شەنگالی کۊشیایمۍ."

جە دەگاو سیبەی گەل دەوروو یۆیرە کوۍ بیېوە و شیرینیشا بەخشاوە.

جە هەمان وەختەنە جە تەماموو مەنتیقەکا شەنگالی و ناوەندەکاشەنە، بۊنەو سەرکۊتەی نوێنەروو پادێ، قاسم کەشکۆی چالاکیی مبارەکبایی بەردەواما. حەرپاسە تەسەور کریۆ ئارۆ جە شاروو شەنگالینە ئاهەنگێوە جەماوەری پی بۆنۆ بلۆڕاوە.