ڕوانگەو سووری پەی مافەکا مرۆڤ (سۆهر) جە ئەرەیاونێوەنە ئامارەو هرووژمەکا چەتەکا داعشی چی چوار مانگەو ئێساڵینە پەی سەرو هێزەکا سووریاو دیموکراتیکی (قەسەدە) وەڵاکەردۆ و ئاماژەش بە زیادبییەو هرووژمەکا کەردەن.

سۆهر ئەرەیاوناش، جە چوار مانگو ئێساڵینە چەتەكێ داعشی ٦٩ هرووژمێشا کەردێنی سەور هێزەکا قەسەدەی و با مەڵامەتۆ ٢٨ ئەندامێ قەسەدەی و ئاسایشو دلینەی و هاموڵاتیێ مەدەنیێ گەشمەرڏێ بیێنێ.

سۆهر ئاماژەش پانەیش کەرد، چەتەكێ داعشی پی هرووژمێ گەرەکشانە پەیام بە ئەمریکای دانە، کە هەڵای تاوۆنە بەردەوامێ بابە جە چالاكینە.

ئی هرووژمێ جە کاتێنە، ڕۆو ١٨و نیسانو ئێساڵی، ئاسایشو دلینەو سەرنیشتی و وەرکەوتوو سووریای ئۆپەراسیۆنێوە ئەمنی چوار ڕووەش جە کامپو هۆلی سەرو بنەماو زانیاری ڕاستەوخۆی سەبارەت بە بییەو شانە پەنهانەکا چەتەكانپ داعشی دلێ و چبەر و کامپەکەینە ئەنجامدریا و دلێشەنە چنین چەتێ و هامكاێ چەتەکاشا باڵبەسێ کەردێ.