سۆهر: سووریانە ماوەو شەو و ڕوێنە ٦ کەسێ کوشیێنێ
سۆهر ئاشکراش کەرد جە ناوچە جیاوازەکا سووریاینە جە ٢٤سەعاتا ویەردەینە ٦ کەسێ کوشیێنێ.
ڕاپۆرتەو سۆهری
ڕوانگەو سووری پەی مافەکا مرۆڤی (سۆهر) ئەرەیاوناش جە ناوچە جیاوازەکا سووریاینە جە ماوەو ٢٤سەعاتا ویەردەینە ٦ کەسێ بە شێوازی جیاواز کوشیێنێ.
جە ئەرەیاوناکەینە ئاماژە بە کوشتنکارییەکێ گرووپە چەتەیەییەکا کریان و ئامان: "جە کێڵگەو ئەل عوسیە دەگانشینا وەرنیشتی حومسی جوانێ جە لایەنو گروپێ چەکداریۆ کوشیا. جە دەگاو موسا هۆڵای شارو حومسی ٢ جوانێ، یۆشا سۆچیان و ئەوەی تەر بە گولـلە کوشیان."
بە پاو ڕاپۆرتەکێ سۆهری : "سەرو ڕاو حەما-حومسی جە هەرێمو ئەبراجی کەسێوە جە لایەنو چەکدارێوە کوشیان. هەرپاسە ئەندامێوە دەسەو شامی جە شارو تەلبیساو سەرنیشتوو حومسی کە وەڵتەر زامڏار بییەن، گیانش جە دەسدان."
جە ڕاپۆرتەکێنە ئاماژە بە گیان جە دەسدایش بەمەڵامەتو پاشماوەکا جەنگیح کریان و ئامان: "جە ناوچەو مەنوساو دەگا نشیان وەرنیشتوو ڕەقەی کەسێوە بەمەڵامەتو تەقایۆ مینیۆ گیانش جە دەسدان."
