چا وەختایچەنە هەکە وەختو ئاوربیەی ئاژەڵ و پەلەوەرەکا بیەن بیٛئانەی زوٙرو کەسیشا سەربوٙ، ویٛشا هەستشا پانەیە کەردەن هەکە چا وەختانە مەبوٙ ڕاوەکەرا.

وەلێم داخەم مەشوٙ چی سەردەمەنە هەکە حیچکەس ئەوەجەش بە ڕاویٛ نیا پەی دەسوستەی بژیٛویی ژیوایش کەچی وینمیٛ و مژنەومیٛ کەسانێ بیٛویژدانیٛ پەی هەواو نەفسی نەوەشیشا ملا بە تفەنگی ئوتوماتیکیی وەختو ناوەختەنە قەتڵوعامو ئاژەڵ و پەلەوەرە کوٙییەکا کەرانە و سەرو لاکەکاشاوە زەماوننەو ڕووزەرد کەردەی ویٛشا سازەکەرا.

سەردەمی ویەردەنە یوٙ جە جوٙرەکا ڕاویٛ ڕاوەو ژەرەژا بییٛنە وەڵتەر بە برکیٛ و دماتەر بە ساچمەزەن و تاپڕ

ئەگەر سەرسەحب وەڵیٛ ئانەینە دنیا ڕوٙشنە کەروٙ لوێنیٛ ڕاوەو هیٛلیانەکێشا ویٛستێنیٛوە و دەسشا وەنە شانێنیٛ، پا جورە ڕاویٛشا واتەن: شەودەس، بە ماناو دەسشانای شەوێ.

س.ز