سەرحەدەنە سەڎان ژەنۍ ۋېشا پۍ شارەوانییەکا کاندید کەردەن
بە مقارنە چنی ساڵا ویەرڎەی، ژمارەو ئا ژەنا جە هەرێموو سەرحەدینە سەروو نامۍ دەم پارتی داواو کاندید بیەیشا پێشکەش کەردەن زیاڎش کەرڎەن.
چالاکی و ئاماڎەکارییەکۍ هۊرچنیە و دەم پارتی جە وان، موش، بەدلیس، ئیدر و ئاگری بەردەوامېنۍ. شاروو وانیەنە کە گەورەتەرین شاروو سەرحەدین ٦٨١ کەسۍ داواو ۋۍ کاندید کەردەیشا پێشکەش کەردەن.
دەلیل ئاکسۆی، واتەواچوو کۆمیسیۆنی پۍ هۊرگېرتەو کاندیدەکا ئەرەیاۋناش، ٤٧٦ کەسۍ پۍ ئەندامیەتی جە ئەنجومەنوو شارەوانینە داواکاریشا پێشکەش کەردەن، ٧٦ کەسېشا ژەنینۍ. ئاکسۆی ئەرەیاۋناش، کە بە گرڎی ١٩٦ کەسۍ کە ٤٧ کەسېشا ژەنینۍ پۍ هامسەرۆکوو شارەوانییەکا داواکاریشا پێشکەش کەرڎەن.
ئاکسۆی ئەرەیاۋنایچش، کە بە گرڎی پۍ گۆرە شارەوانی وانی ١١ ژەنی داواکاریشا پێشکەش کەردەن.
جە شاروو موشی ٢٥ ژەنی، شاروو ئیدری ٢٨، شاروو بدلیسی ١١ و شاروو ئاگری ٣٢ ژەنی داواکاریی کاندید بیەیشا پێشکەش کەردەن.
