سوریا؛ ئەوەتەقای و هرووژمە چەکڎارییەکې بەردەوامیشا هەن
ڕوانگەی سوری پەی مافەکا مرۆڤی (سۆهر) ئەرەیاۋناش، جەماوەو ٢٤ سەعاتا ۋییەردەینە جە ناوچە جیا جیاکا سوریاینە جە ئاکامو ڕووەدایې تنوتیژیی لاو کەمیۆ ١٩ کەسې مەدەنیې و چەکڎار کوشیێنې.
بەگوێرەی ڕاگەیاندراوی ناوەندی چاودێری مافەکانی مرۆڤی سوریا (سۆهر)، لەماوەی ٢٤ کاتژمێری ڕابردوودا لە سوریا لانیکەم ١٩ کەس کوژراون.
سۆهر ئاماژەش پانەی کەرڎ، جە ئیدلیب، جە کارگەو وەشکەردەی جبەخانەو گرووپە بیانییەکا (تورکمانستان-ئۆزبەک)ی دلې هێزەکاو حکومەتو ڕاگوزەرو سوریاینە ئەوەتەقایې ڕووەشدا و لاوکەمیۆ ١٠ کەسې کوشیې و ٩ی تەریچ زامڎارۍ بیې.
ناوچەو سوێداو ۋەرکۊتوو دێرەزۆرینە بەمەڵامەتو ناکۆکیی بنەیانەییۆ سەرو زەمینی جەنگ قۆمیا، جە ئاکامەنە جوانێوە کوشیا. جە دەگاو جبرینی شارو حەمای ئەوەتەقایې ڕووەشدا و جە ئاکامەنە یەرې کەسې کوشیې کە یۆشا زاوڵە بې.
هەرپاسە مېیانەکە ئەرەیاۋناس، جە دەشتاییەکا حەربیشی پانیشتوو دێرەزۆرینە بەمەڵامەتوو ئەوەتەقای کۆگێوە چەکی جوانێوە گیانس جە دەسدا. حەلەبیچەنە ژەنێوە جوانە کە مانگې چێوەڵی بە گوللې وێڵە، زامڎارە بیێبې گیانش جەدەسدا. باس چانەیچ کریا، جە ناوچەو حەلفاو دیمەشقیچ جە ئاکامو گوللې وێڵې جوانێوە تەر گیانش جە دەسدان.
بەگوێرەو سۆهری، جە ناوچەو مەحەجی سەرنیشتوو دەرعایچ چەکڎارې نەشناسیې شەوې دێرې هۊرشا کوا سەرو یانێوە و جوانێوەشا کوشت.
ئا مېیانە ئاشکراش کەرد، جە گەڕەکەو جەبەلەی ناوچەو سەڵقینی ئیدلیبیچ جە ئاکامو هرووژمو چن چەکدارێوە نەشناسیاینە "جیهادیستێوە عێراقی" کوشیا.
