سیاسەتمەدار کەنعان ئەیاز ١٥وو ئازاری وەختێوە گەرەکش بۍ سەرۍ خانەواڎەکەیش سویدنە بدۊ، جە تەیارەخانەو لارناکاینە ڕاو پۊلیسیوە گیریا و سەروو داواکاریی ئەڵمانیای کریا زینڎان.

داڎگاو لارناکای جە نیشتەیرەو ڕۊو ١٩و نیسانینە قەرارش دا ئەیازی راڎەسوو ئەڵمانیای کەرۊوە، وەلێم ڕاو تانەدایوەنەیش جە قەراروو داڎگاینە ئاستۊ.

سیاسەتمەداروو کورڎی کەنعان ئەیاز جە ڕاو پارێزنەرەکەیشۊ پەی میدیاو قوبرسی ئەرەیاوناش. قەراروو ڕاڎەسکەرڎەیۊکەی بە ئەڵمانیای یاسایی نییا و سیاسیین. داڎگاو هەرێموو قوبرسی ئی نایاساییە کەرۊ. داڎگاکە پی قەراری هامکاریی دەوڵەتوو فاشیست و ئەرەگیر و قڕکەری کەرۊ."

کەنعان ئەیاز باسوو ئانەیش کەرڎ، کە ئازاڎییەکەم بۊنەو هەڵوێستی نائینسانانەیۊ جە دەس مشۊ. بێدەنگ مەبوو و واتش، " وەروو ئانەی هەڕەشێوە جیددییە و وەرەچەمەنە پەوکای جە ٤وو ئایاروو ٢٠٢٣وە دەس بە مانگێرتەی تەمامەتی کەروو."

س.ز