سەید ئۆکتای ساڵەو ١٩٩٣ جە شاروو وانی جە تەرەفوو داڎگاو ئاسایش و دەوڵەتیوە بە تۆمەتەو تێکدای و یەکپارچەیی گیریا و سزاو زینڎانی حەتاحەتاییش سەرەرە سەپیابۍ، هېزی جە زینڎانوو تۆکات تیپوو (ت)ېنە ئازاڎکریا.

سەید ئۆکتای ماوەو ٣٠ ساڵا زینڎانی بیەیشەنە یەرۍ کتێبېش بە نامۍ "بووەو کەشی"، "حەبەو ئارامی" و داستانوو ئاریەن مەد"ی نویستېنۍ.

ئۆکتای ۋەربەرەو زینڎانینە جە تەرەفوو بنەیانەکەیشۆ پێشوازیش ۋنەکریا، دماتەر بەرەو ماواو ۋېش جە وان کۊت ڕا. ئۆکتای چنی بنەیانەکەیش دماو ٩ سەعاتا شەوۍ یاواوە شاروو وانی، چایچ جە تەرەفوو مەردمېوە فرەی جە کەسوکاری و گەلیوە بە گۆرانیەو "شەڕڤانۆ"ی و گیسناینەو شۊڵەچراوېوە پێشوازیش ۋنەکریا.

ئۆکتای، کاوەتری چەرمۍ کە ڕەمزەو ئاشتینە ئاسمانەرە فڕنا.