سیمینارێوە دەربارەو زوانی کوردی ستۆکهۆڵمنە
بە دەسوەڵیوستەی پەیمانگای کوردی ستۆکهۆڵمنە، یۆبییەی مامۆسایاو کوردی سویدنە، یۆبییەی نویسەراو میاندەوڵەتی کوردی (PEN)، بۆنەو ڕۆو زوانی کوردییوە، سیمینارێوە ستۆکهۆڵموو پایتەختوو سویدینە لوا ڕاوە.
سیمینارەکە ستۆکهۆڵموو پایتەختوو سویدینە لوا ڕاوە، چالاکییەکە بە دەیەقێوە مردای پەی گیانوو پاکوو گەشمەردا دەسش پەنە کەرد دماو واتەی گۆرانییا و وانایۆ شیعرا، سەمینارەکە بە بابەتێ جیێ دەسش پەنە کەرد.
دماو وانایۆ شیعرێوە ئەینور ئاراسی، سەبارەت بە زوانی کوردی و میدیای وچیا: «زوان جە ڕاو تەلەفزوێنی و ڕادوێنی و ڕۆنامەی و گۆڤاریوە وەڵێ وزیۆو هامچەرخ بۆ».
گەلوو کوردی بۆنەو وەشەسیای و عەشقیشاوە پەی زوانەکەیشا ئی زوانەشا پارێزنا. بەڵام بەداخۆ چی سالاو دمایینە وەشەسیسی کوردی پەی زوانەکەیش کەمش کەردەن، نویسەرێوەختێوە چیوێ منویسا، پەنەوازا زوانی سادە و پاراو ورچنا، تا گرد زارۆڵێوە و بوانیوە کوردی بەئاسانی بیاوۆشەنە، پێسە وەک مامۆسای و ڕۆشنویرا و نویسەرا، پەنەوازا گرد کەلیمە و نویستەی و هەرمانە زوانەوانییەکاشا لاو زارۆڵاوە و گەنجاوە وەشەویس کەرا، مشۆم ئیرادەو زوانی بەقووەت کەرمێ.».
سیمینارەکە هیزی سەعات ١٣:٠٠، جە ساڵۆنوو (ABF) جە ستۆکۆڵمنە دەسش پەنە کەرد و تا سەعات ١٧:٠٠ درێژەش کێشا.
س.ز
