چالاکییەکاو ئێشکگێری دادپەروەری بە داواو ئازادیی جەستەیی ڕابەروو گەلوو کوردی عەبدوڵا ئۆجالانی  ئەزمیرنە و ئێلح و ئامەد و ئیستەنبوڵ و مێردیننە بەردەوامێنێ.

چالاکییەکەو ئەزمیرینە نامەو زیندانییە مانگێرتا جە واردەی ونیاوە و درووشمەکاو "بژیوۆ مدرامانوو زیندانی" و "ژەنی، ژیوای، ئازادی" و "بژیوۆ سەرۆک ئاپۆ"ی بەرزێ کریێوە.

قەومەو زیندانییا شوکریە تونچە واتش: "ئەگەر عەبدوڵا ئۆجالان ئازاد نەبۆ، گەلوو کوردیچ ئازاد نمەبۆ. گۆشەگیری تەنیا سەروو عەبدوڵا ئۆجالانیوە نەسەپییان. گەلوو کوردیچ گۆشەگیر کریان. ئەگەر گۆشەگیریی سەروو عەبدوڵا ئۆجالانی ورگێریۆ، ئاشتی مێ دلێ تورکیای، ئەگەر گۆشەگیری بەردەوام بۆ، جەنگیچ بەردوام بۆ. بۆنەو گۆشەگیرییوە تەماموو وەڵاتی ئینا چێروو فشارینە، بۆنەو جەنگیوە زارۆڵێما مرا.گەرەکما نیا ئینە ڕووە بدۆ. پێویسا کورد بییەیش و دۆزەکەیش ویر نەشۆوە، خاوەنداری جە مانگێرتەی جە واردەی و ئێشکگێری دادپەروەری کەرۆ".

چالاکییەکەو ئامەدینە، یۆ جە سەردایکەرا، عەبدولسەمەد بیچم واتش: "ئی سیستمە چەنی بەڕێز ئۆجالانی کۆ مەبۆوە، ئێشکگێری ئەدایا پەی ورگێرتەی گۆشەگیری و دماییئاردەی بە فشارەکا مەبارەکا، گەل ئیناشا چەنی".

چالاکییەکەو ئیستەنبوڵینە بەڕاوەبەراو دەم پارتی، فیکرەت کارایەل ئاماژەش پانەیە کەرد سەرەڕاو گردوو فشارەکا گەلوو کوردی خاوەنداری وەنەو ڕابەروو گەلوو کوردی عەبدوڵا ئۆجالانی کەرۆ، ئەرەیاوناش گۆشەگیری کاریگەریش وەنەو گرد لاێوە کەردەن، واتش: "گەلوو کوردی هیزی خاوەندارییش جە ڕابەرەکەیش کەرد، ئارۆیچ خاوەندارییش وەنە کەرۆ". داواش کەردە گردوو گەلاو تورکیای پەشتگیری وەنەو کۆشیای ڕەواو کوردا کەرۆ.

چالاکییەکەو مێردینینە، ئەداو ئاشتی ڕەمزیە باخچەچییە واتش تا ئازادیی ڕابەروو گەلوو کوردی عەبدوڵا ئۆجالان درێژە بە چالاکیی مدا و واتش: "پەشتیوانی چی چالاکییە ئازادی ئۆجالانی مارۆ. ئازادیی ئۆجالانی، ئازادیی گردوو زیندانییان".