تاژێ پەشتگیری جە سکاڵاکێ ڕێکوزیاو سندوقوو قوربانییاو کوردستانی کەرۆ، کە داواش کەردێنە پێویسا بنەیانەو بارزانی و پارتی دیموکراتوو کوردستانی بە تاوانوو جینۆسایدی دادگایی کریا.
ڕێکوزیاو قوربانییاو کوردستانی جە دادگاو فیدراڵیی ئەمریکاینە جە ٣٠ کانوونوو دووەموو ٢٠٢٤ سکاڵاش سەروو مەسرور بارزانی و نەوەکاش سەروو ٢٥ تۆمەتاو 'کوشتەی، ساختەکەردەی، ئڕفانای، جینۆساید، پاشێلکەردەی مافوو ئینسانی، ئەشکەنجەدای هاموەڵاتێوە ئەمریکی' تۆمار کەردەن، بە پاو یاسێ، دووروستەیۆ وەی هاموەڵاتا جە هەرمانێ، مڵک و یانەو وێشا، بازرگانیکەردەی بە ماددە هۆشبەرەکا، بازرگانیکەرەی چەنی تاک، گرووپ و ڕێکوزیا تیرۆریستییەکا. سەرو سکاڵاو ڕێکوزیاکەی، دادگای فیدراڵیی ئەمەریکای ١٥ شوباتینە قەرارێوەش سەروو مەسرور بارزانی وەڵا کەردۆ و مۆڵەتوو ٢١ ڕۆیش دا پەنە پەی جوابوو تۆمەتەکا کە ئاراستەش کریێنێ و ئاخروو قەرارەکەینە ئامان، کە ئەگەر تا دمای وادەی دیاریکریای جواب نەدریاوە، ئانە یاسا وزیۆ هەرمانە.
پێوەندیدار پی سکاڵێوە تەڤگەروو ئازادیی ژەناو ئێزدی بە نامێوە پاڵپەشتیی وێش جە ڕێکوزایاو سندوقوو قوربانییاو کوردستانی نیشانە دا و داواش کەردە کە بنەیانەو بارزانی سەروو تاوانوو کۆکوشیی دژوو گەلوو ئێزدی شەنگالی دادگایی کریا.
داواکارییەکەو تاژێ پێسنەنە:
"دماو فەرمانەو ۳ مانگەو ٨وو ۲۰۱٤ ساڵەو ٢٠١٦ تەڤگەروو ئازادیی ژەناو ئێزدی (تاژێ)ما مەرزنارە". ڕێکوزیاو سندوقوو قوربانییاو کوردستانی سکاڵاش سەروو نەوەکانی بارزانی بە ٢٥ تۆمەتا کە یۆشا کۆکوشیین، ئاراستەو دادگای فیدراڵیی ئەمەریکای کەردەن. ئێمە وەڵێ گرد چێوێنە پەرسیەو دادگاییکەردەی پەدەکەی سەروو تاوانەکا دژ بە گلێرگەی ئێزدی، ژەناو ئێزدی، فرە بە گرنگ و کاریگەر موینمێ.
ئێمە گلێرگەو ئێزدی تارێخمانە ڕووبەڕووێ ٧٤ فەرمانا کریێنمێوە. دمافەرمان جە ۳ مانگەو ٨وو ۲۰۱٤ینە دوژمنوو ئینسانیەتی داعش و هامکاریی پارتی دیموکراتوو کوردستانی و دەوڵەتوو تورکی کەردە. ئەنجاموو ئی فەرمانێنە بە هەزاران کەسێ گەلەکەمانە کۆکوشێ کریێ، ئڕفانیێ، نزیکەو ٧ هەزار ژەنا و زارۆڵا لاو داعشیوە ئڕفانیێ. تا ئیساتێ ٨٧ قەبرێ بەکۆمەڵێ وێزیێنێوە، قوبە و یاگە مەبارەکەکێ تەقیێنێوە. پەدەکە خیانەتێوە تارێخییش وەراوەروو گلێرگەکەیما کەرد. ١٢ هەزار پێشمەرگێ پەدەکەی چاگە بێنێ، کە گوایا شەنگالی پارێزنا، بەڵام وەختێ هجووم کریا، بەبێ ئانەی تەقێوە کەرا ڕەمێ و شەنگالشا دا دەسوو داعشیوە. ئارۆ تا پەدەکە وەرپەرسبییەی تاوانەکاشا گەردەننە نەمەنۆ، ڕوانە پڕوپاگەندەی ناڕاس وەڵا کەراوە و ماچا، شەنگالما ڕزگار کەرد، شەنگالنە ٥٠٠ گەشمەردێما دێنێ. گردوو جیهانی مزانۆ کێ خیانەتش وەنەو گلێرگەو ئێزدیما کەردەن و کێ ڕزگارش کەردێنێ. ئێمە بە چەموو وێما دیما کە چەنی پەدەکە خیانەتش وەنەو گلێرگەکەیما کەرد. ئێمە وێما شایەتێ فەرمانەو ساڵەو ٢٠١٤ بێنمێ. ئێمە ماچمێ ئەگەر پارتی ٥٠٠ گەشمەردێش دێبا، یاگێ نیایشا کوا و نامێشا کوا؟ گرد کەس ئی ڕاسیا سەروو شەنگالی مزامۆ، جە زارۆڵیوە ٧ ساڵیوە تا ٧٠ ساڵە هاگادارێ گرد چیوێنێ. ئانێ گیانشا بەخت کەرد پەی ئی گەلەیە زارۆڵێ ئی ئەم گلێرگەیە بێنی. سەدان گەشمەردێما دێنێ.
کەچی پەدەکە سەروو ئێمەوە ڕوانە بازرگانیی گڵیاو کەرۆ. ئینەیچ دژوو ئەخلاقوو ئینسانین و دژوو یاسا میاندەوڵەتییەکان. دیسان بۆنەو هامکاریی پەدەکەیۆ چەنی دەوڵەتوو تورکی، دەیان جارێ هجووم کریان سەروو شەنگالی و سەرمەشقەکێما کریێنێ ئامانج. هەرچندە پەدەکە بە حیزبوو دیموکراتوو کوردستانی نامیەن، بەڵام ڕاسییەکە پێچەوانەن و هیچ دیموکرات نییا. ساڵانێوەن پەدەکە بە عەقڵیەتوو پاوانوازانەو وێش و بە پاو بەرژەوەندییەکاو وێش درێژە بە پەیوەندییەکاش چەنی دەوڵەتوو تورکیای و داعشی مدۆ. چی دمایۆ هامسەرەو ئەبوبەکر بەغدادی ددانش نیا پانەیرە، کە چەنی پەدەکە هامکارییش کەردەن.
ئێمە پێسە تەڤگەروو ئازادیی ژەناو ئێزیدی باوڕما پاسەنەنە، تا ڕاسییەکا ڕۆشنێ باوە و دادپەروەری یاگێ وێش گێرۆوە، ئامادێنمێ فایلێ و ڕاپۆرتە پێویسەکاو پێوەس بە کۆکوشیی ساڵەو ۲۰۱٤ وزمێ وەردەموو شمە و لایەنە پەیوەندیدارەکا. ئێمە ماچمێ وەختوو دادپەروەریین، سەروو ئی بنەمێوە داواکارییەکاما پاسە ئاراستە کەرمێ :
١- با گرووپە سەربەوێکا سەرێ عێراقی و بەتایبەتیچ سەرێ شەنگالێ بدا نزیکۆ.
٢- پەدەکە سەروو تاوان و خیانەتەکەیش ۳ مانگەو ٨وو ۲۰۱٤ وەراوەروو گلێرگەو ئێزدی دادگایی کریۆ.
