ئەنداماو جمیەروو گەنجە شۊڕشگێڵنا و ژەنە گەنجاو رێکۊشەری ویرشا ئارڎۊ، کە چوار ڕوێش مەنەن پەی ئاخیروو دەنگدای جە ئەورووپانە و داواشا جە گەنجا کەرڎە، کە مافوو دەنگدای وێشا بەکار بارا.
جمیەروو گەنجە شۊڕشگێڵنا (تەجەشە) و ژەنە گەنجە کۊشیایا (تێکۊژن) پەی پەشتیوانی جە پارتوو چەپی سەوزی بانگەوازێوەشا ئەرەیاونا.
ئەرەیاوناکەنە ئامان، "گەنجە شۊڕشگێڵناو کورڎسانی و تورکیای ئەورووپانە پەی ئانەی بتاوا مافوو دەنگدایشا بەکار بارا چوار ڕوێشا وەرڎەمنە مەنەن. ئی ورچنیەیە پەی کورڎسانی، تورکیا و وەرکەوتی دێڕاسینی گرنگیێوە تاریخییش هەن. سەرباروو قسەکەرڎەی، ئەرەیاونای و کەمپینەکاو پێوەس بە بابەتەکەی بەداخۊ ڕێژەو بەشداربییەی دەنگداننە کەمتەرا چانەی چەمەڕوان کریۍ.
فرەو جارا واتەنما حەرڎەنگێوە چی ورچنەیەنە دریۊ گرنگیی ستراتیژیک و تاریخییش هەن، چی وەختەنە کە چوار ڕوێش مەنەن پەی بۊ دەنگدای، قسۍ سەرڎەستەو فاشیستا ئەرڎۊغان، هامبەشە وچکلەکەو باخچەلی، کەمپینۍ ڕاوە بەرا، بەتایبەتی جە شارەکاو تورکیاینە هجووم کەرا سەروو پارتوو چەپی سەوزی و ئۊپراسیۊنوو قاڕچنیەیۊی سیاسی لە کورڎساننە کەرا، ئینەیچە جارێوە تەر گرنگیی ئی ورچنیەیە زیاڎتەر وزۊ وەروو چەما.
'وێما بە ساعیبوو پارتوو چەپی سەوزی مزانمۍ '
یا فاشیزم، یا دیموکراسی؛ یا فاشیزم سەر گنۊ و تورکیا و کورڎسان دۍ جەنگێوە تەرسئاوەرینە خنیکیا، یا دیموکراسی سەر گنۊ و جە تورکیا، کورڎسان و مەنتێقەکەنە ئاشتی و ئایندێوە ڕۊشن بنیاڎ نریۊ. ئەگەر ئەرڎۊغان و باخچەلی سەرۍ گنا، وەرنیشتتنە داعش، نوسرە و سەرنیشتیچنە حزبوڵڵا و ئاکەپە چەنی چەتەکاشا حەوڵۍ مڎا تورکیای و کورڎسانی کەرا بە دەروازەو ونۍ، کورڎا پاکتاوۍ کەرا، گۊشەگیری دژوارتەر کەرا، فرەتەر چەکی کیمیاوی بەکار مارا، جەنگی گەورەو دلۍ وەڵاتی ورگیسنا. ئیە کۊکوشین، پاکتاوکاریین، متەی ونۍ و هەڵسان، جینۊسایدوو گەلوو کورڎین. ئێمە دیکتاتۊریی ئەرڎۊغانی، فاشیزموو باخچەلی، قاڕچنیەیۊ ئاکەپە و مەهەپەی مرڎنمۍ. وێما بە ساعیبوو پارتوو چەپی سەوزی زانمۍ، کە نوێنەرایەتیی ئیرادەو گەلەکەیما کەرۊ. وەروو ئانەیچ با بە تەنیا یەک کەسیچ نەمەنۊ کە دەنگش نەدابۊ، وەروو ئانەیچ جە ئەڵمانیا، نەمسا، سویسڕا، بەلجیکا، هۊلندا، سوید و فەرەنسانە، چی چوار ڕووەنە کە مۍ بە گرڎوو وزە و توانایۊ هەرمانە کەرڎۍ و گەنجۍ سەرمەشقۍ ئا هەنگامۍ با، ئینایمۍ قۊناغێوە نائاسایینە، وەڵۍ وارڎەی وارڎەیۊنە دەنگ مڎەیمۍ.
جە ئەرەیاوناکەینە ئامان، کە دەنگەکاو ئەورووپای متاوا چارەنویسوو ورچنیەی یەکلایی کەراوە، پەوکای داوا جە گەنجان کریان، کە سەرمەشقۍ بەکارئارڎەی مافوو دەنگدای کەرا.
س.ز
