تەکۆژن جە کاسەل کۆنفرانس ساز مکەرۊ
تەکۆژن جە شارو کاسەل و ئەڵمانیای بە دروشمەو ' بە ژەنی، ژیۋای، ئازاڎیی، ئازاڎیی بېیاونە بە سەرکۆتەی' کۆنفڕانسوو ۋێش ساز مکەرۊ.
تەکۆژن ئەڵمانیا پەی یۊوەم کۆنفڕانسوو ۋېش جە ئەڵمانیا داواو بەشداربېیەی جە ژەنا مکەرۊ.
جوانە ژەنا کۊششکاری (تەکۆژن) پەی کۆنفڕانسەکەیشا کە ٢٧و حوزەیرانی جە شارو کاسەل و ئەڵمانیاینە ساز مکریۆ ئەرەیاۋنېوەش وەڵاکەردۆ.
جە ئەترەیاۋناکەینە ئامان، "پېسە تەکۆژن ئەڵمانیای ئېمە داوا جە شمە مکەرمۍ بەشداری بەشدارۍ بیدۍ جە یۊوەم کۆنفڕانسمانە. پېسە جوانە ژەنا ئەرەنیشتۍ بەروو وڵاتی، ڕووبەڕوو هجوومەکا دژ بەمۆدێرنیتەی دیموکراتیکی بیمېوە. ژیۋایۍ ئاسایی کار، ۋەننگە یاخود زانشتگەی ڕایی مکەرمۍ. سیستمی مۆدێرنیتەی ڕەگەزپەرس و سەرمایەداری هجووم مکەرۊ سەرو ئشناسنامەیما پېسە جوانە ژەنا، کۊشش مکەرۊ پەی ئانەی ئېمە جە خودبېیەی ۋێما دووربوزۆوە و ئېمە چېگۆ ماچمۍ ئیتر وەسېن".
بەیدۍ پېوەرە گفتوگۊ بکەرمۍ
جە ئەرەیاۋناکەینە ئاماژە بە سەرمەشقایەتی جوانە ژەنا کریان و ئانە وزیان ڕوە، "ئەرکوو ئېمەن کە گلېرگەی واڕمۍ، ئایدۆلۆژیاو ڕابەر ئاپۆی پەی ئازاڎیی ژەنا بە دروشمەو ' ژەنی، ژیۋای، ئازاڎیی' تەماموو جەهانینە وەڵابېیەنۆ و ئېمە پا ڕۊح و ۋېڕاگریۆ درێژە بە ئەرەکۊشای بڎەیمۍ. ۋەروو ئانەیچە ئېمە داوا جە گرڎوو جوانە ژەنا ئازاڎیوازی مکەرمۍ کە ٢٩و حوزەیرانی بەشداری جە کۆنفڕانسوو ئېمەنە جە کاسەل بکەردۍ. بەیدۍ ئېمە جە کۆنفڕانسەکەمانە پێوەرە گفتوگۊ بکەرمۍ و ئەچی قۆناغە تاریخیېنە بە پێرسپێکتیڤێوە بەقوەت دەور گېڵنمۍ".
