کورڎۍ ئەرەنیشتۍ ست گالێنی جە سویسرا چالاکیېوە شەونشینیشا سازکەرد. گۊرانیۍ هونەرمەنڎا وەرکەوتی و سەرنیشتوو کورڎسانی وچیېوە و پی جۊرە یاڎو کەسایەتیە گرنگەکا کورڎیشا کەرڎۊ.

ئامانجو شەونشینیەکەی ئانەبۍ کە کولتوری کورڎی پۍ نەوەی تازەی فاڕاوە. وەردەمو ۋېنەو رابەرو گەلوو کورڎی عەبدوڵا ئۆجالانی-نە و گفتوگۊی کولتوریۊ جە وەرکەوتۊ حەتا وەرنیشتوو کورڎسانی گۆرانیۍ وچیۍ، یۊ چا کەسایەتیا کە یاڎش کریاوە شاکرۆی گۊرانی واچ بۍ.

گوزارشتەو زەنبیل ورەشی

یۊ جە وەرهەمە سەرەکیەکا وێژەو ئەدەبیاتو کورڎی گوزارشتەو زەنبیل ورەشینە کە کەسایەتی گۊرەو کورڎی فەقۍ تەیرانی خوڵقنان و جە سەڎەو ١٦ینە نۋیسیان و سەڎەو ١٨ ینە جە لایەنو مورادخانی بایەزیدیوە نۋیسیانۊ و دلۍ ئەدەبیاتی کورڎینە پارێزیان. چا وەرهەمەنە کولتورو شارسانی کورڎا بە شێۋېوە وەرچەم نیشانە دریۊ. سەرگوزشتەکۍ جەلایەن و حەر یۊ جەهونەرمەنڎا فوراتی و نەورۆزیوە گېڵیاوە.

تەمورەی کورڎیی وەرکەوتی: ئەرشیفو ئێمە وەردەوام دۊڵەمەنڎ و پەڕا

هونەرمەنڎ جەلالی-چ گوزارشتەکۍ مەنتیقەکا وەرکەوتیش گېڵنېوە. سەرنجش وست سەرو گرنگی تەمورەی پۍ کورڎا وەرکەوتی و ۋاتش، "ئەرشیفو گەلوو کورڎی وەردەوام پەڕ و دۊڵەمەنڎا. ئی تەمورە پۍ کورڎا وەرکەوتی فرە گرنگا. هەم نوێنەرایەتی هونەرو کورڎا کەرۊ و هەم نوێنەرایەتی وەڵینگەکەیشا. وەڵۍ واتەو حەر گۆرانیېوەنە مشۊ ماچ کریۊ".

یۊ چا گوزارشتا کە بەرنامەکەنە گېڵناشاوە، ژیای مەریەم خانۍ بۍ کە پېسە یوۋەم ژەنە دەنگواچا نامېش بریۊ. ئانە وزیا ڕووە کە ژەنۍ کورڎی جە دەنگواچینە چنڎە سەرکۊتېنۍ و چنی خۊتانکەرڎەیشا ۋنەکەرڎەن.

یۊ جە کەسایەتیە گۊرەکا دەنگواچا کورڎی "عەڤداڵی زەینکۍ"ن کە پېسە هۊمەرۊسی کورڎا ئشناسیان و بە مەقامەکاش بیەن بە ئەفسانېوە جە مۊسیقای کورڎینە. هونەرمەنڎ فوراتی-چ پی جۊرە دەسش بە قسەکاش کەرڎ و دماتەریچ گۆرانیەو عەمرۆی شاکرۆیش چڕیە.

هـ . ش