هامسەرۆکەو گردینەو دەم پارتی تولای حاتەم ئۆغۆللاریە جە ساڵیادو کۆمکوشی دێرسیمی قسێش کەردێ و ئەرەیاوناش گلێرگەی عەلەوی حەجگیز وەرانوەرو سیاسەتو تاونایۆینە سەرەش نەنامنانەرە و سەرەش مەنامنۆرە.
دێرسیمەنە بۆنەو ساڵیادوو کۆمکوشی دێرسیمیۆ جە مێڎانوو سەید ڕەزاینە یادکەردەیۆکەی لوواراوە. لافیتەکێ پیسەو " کۆمکوشی دێرسیمی جەویر مەکریۆ" و "با نامێ دێرسیمی و نامێ مەنتیقەکا تەری دێرسیمی گێڵوە" و "جەیاڵش مەکەردێ" و "با ئەرشیڤەکێ هۆردریاوەو و ڕاسییەکێ ئاشکراێ کریا"، چنین نوێنەرێ و پارتێ سیاسی و ڕێکوزیێ ئامادێ بێنێ.
هامسەرۆکەو گردینەو دەم پارتی تولای حاتەم ئۆغۆللاریە ئەرەیاوناش کۆمکوشی دێرسیمی گەورەتەرین کۆمکوشی عەلەوییەکان جە تاریخوو تورکیاینە، هەڵای دەسەڵات بە هەمان سیاسەتۆ جمۆوە، ئارۆیچ بە ڤێرژنی جیاواز هەمان چێو وەرانوەرو عەلەوییەکا کریۆ.
حاتەم ئۆغۆللاریە ئەرەیاوناش گلێرگەو عەلەوی حەجگیز وەرانوەرو سیاسەتو تاونایۆ سەرەش نەنامنانەرە و سەرەیچ مەنامنۆرە.
هامسەرۆکوو گردی دەبەپەی کەسکین بایندەر ئەرەیاوناش گەلوو کوردی گرد وەختێ دژوو ئی کۆمکوشیە ئەرەکۆشۆ.
بایندەر تەئکیدش کەردۆ، هامشێوەو سەید ڕەزای و هامڕاکاش، گەلوو دێرسیمی مدرامان کەرا و واتش: "سەید ڕەزا و هامڕاکێش ١٠٠ ساڵێ چێوەڵی سەرەش نەنامنانەرە. مزانمێ ئارۆیچ گەلوو دێرسیمی وەرانوەرو ستەمی و قڕکەردەینە بێدەنگ مەبۆ".
