تەژەکە_ئە: پێۋیسا گەلەکەما جە ئەوروپا بلا سەرو سنووقەکا دەنگدای
تەڤگەرو ژەنا کورڎی جە ئەوروپا (تەژەکە_ئە) ماچۊ: «خوڵقەو گەلەکەیما جە ئەوروپا کەرمۍ جە بەینو ٢٧ و نیسانی پۍ ٩ و ئایاری ڕوۋە کەرا سنووقەکا دەنگدای و دەنگ بڎا بە پارتو چەپی سەوزی».
تەژەکە_ئە ئەرەیاۋنېوە نۋیسیاش ۋەڵاکەرڎۊ، داواش جە گەلەکەیما جە ئەوروپانە کەرڎ جەماوەو بەینو ٢٧ و نیسانی پۍ ٩ و ئایاری بلا سەرو سنووقەکا دەنگدای و دەنگ بە پارتو چەپی سەوزی بڎا.
ژەنی ئا ھېزەنە کە فاشیزمی بەزنۊ
جە ئەرەیاۋناکەو تەژەکە_ئەینە ئامان: «ڕۊو ١٤ و ئایاری ھورگیرو مەعنېوە تاریخین پۍ دلېنەبەرڎەو فاشیزمی ئاکەپە و مەهەپەی، جە یاڎو سەڎ ساڵەو پەیماننامەو لۊزانینە، ئا ڕوانگەو دۊڵەتو ترکی ھورشېونۊوە کە سەرو پەراوێزوستەو گەلا ھورشچنیەن، بێگومان هێزی ئەساسی پۍ بەدیئاورڎەو ئی ئامانجیە، ئێمەی ژەنینمۍ، کۊشیای ژەنا تەرسیش وستېنە دڵو ڕژێمو پیاسالاریۊ، چانەیچ موھیمتەر، تەرسیش وستېنە دڵو ڕژێمو دیکتاتۊری ئەردۊگانی. پۊکەی ئەردۊگان و دەسەڵاتە فاشیستەکەو ئاکەپە و مەهەپەی، ھجوم کەرا سەرو ژەنۍ و بیەکەیش، چونکی داواکاریەکۍ پۍ دیموکراسی و ئازاڎیی ژەنا، غیرەت بە گلېرگەی بەخشۊ، چی ڕوۊ، ھورچنیەکۍ ١٤ و ئایاری زیاتەر پۍ ئێمەو ژەنا موھیما، ستەمکارۍ ۋەران ۋەر بە مدرامانو ژەنانە دۊڕیا، پۊکەی جە بەینو ٢٧ و نیسانی پۍ ٩ و ئایاری ملمۍ سەرو سنووقەکا دەنگدای و بە دەنگەکاما فاشیزمی وڕنمۍ.
«بێگومان سەرگنمۍ»
پێویسا گرڎ دەنگدەرێوە ڕووەکەرۊ سەرو سنووقەکا دەنگدای، ئێمەی ژەنا، مشۊ واوەی دەورو وەڵێوەبیەی وېما گێڵنمۍ، هەمدیسان بیمۍ ئومێڎ و ڕۊشنای، بێگومان سەرگنمۍ؛ ئی سەڎە، سەدەو ئێمەو ژەنان».
ھ.ش
