عومەر چەلیک یاگەگیرو سەرۆکو گرڎیی و واتەواچو ئاکەپەی سەبارەت بە مەراسیمو سۊچنای چەکەکا جە لایەنو پەکەکەیۆ جە پەلیانەو ئێکسی تایبەت بە ۋێش، پەیامێوەش وەڵا کەرڎۆ. چەلیک ئەرەیاۋناش هەنگامەی یووەمە جابەجێ کریا.

'هەوڵەکې دەم پارتی بە ئیسفاڎێنې'

چەلیک جە پەیامەکەشەنە ئاماژەش پانەیچ کەرڎەن، سەرۋنەدایەکې دەم پارتی پەی لاو لایەنەکا تەری پەی سەروستەو پرۆسەکەی بە ئیسفاڎێنې و ئینەش وات: "پەی پرۆسەکەی بەشداریی ئیرادەو پەرلەمانی و پارت و لایەنەکا تەری کاریگەر بۆ."

چەلیک ئەرەیاۋناش کە ئا قۆناغەی کە پرۆسەکە پنەش یاوان پەی مەرامېوە گرنگی و چارەنویسسازی بې، وە ئا قۆناغە ۋېیەردەن و واتش: "بە ئیرادەو سەرۆککۆماریما، تا ئانەی پرۆسەکە کە پېسە پڕۆسەو دۊڵەتی ملۊڕاوە، پەی ئانەی بیاوۆ بە مەرامو ۋێش، ۋەرا ۋەر بە هەر جۆرە ئاژاوەگێڵنیێوە بە هۆشیاریۆ بەردەوامێنمې."