ھورچنیەو ١٤و ئایاری: جە بەغڎا و هۊلێر رێژەو بەشڎاربیەی دوۋە قات زیاڎش کەڎەن
بەمەبەسو ھورچنیەکا ١٤و ئایاری جە تورکیا، دەنگدای جە عێراق و پانیشتوو کورڎسانینە دمایش پنەئاما. رێژەو بەشڎاربیەی بەراورد بە سالەو ٢٠١٨ ی دوۋە قات زیاڎش کەرڎەن.
جە چوارچێوەو ھورچنیەی پەرلەمانی و سەرۊکایەتی کۊماری تورکیاینە دەنگدای جە عێراق و پانیشتوو کورڎسانی جە ٧و ئایارینە دمایش پنەئاما.
جە بەغڎانە ٢، جە بەسرە ١ و جە هۊلێریچ ٣ سنووقۍ دەنگدای نریېبېنېرە.
جە مابەینو ٥ پۍ ٧و ئایاری نزیکەو ٥ هەزارۍ و ٧٤١ کەسۍ دەنگشا دابۍ.
جە بەغڎا جە کۊو ١٧٧٥ دەنگدەرا کە تۊمار کریېنۍ ٤١٥ کەسۍ دەنگشا دان. جە هۊلێر جە کۊو ٣ هەزارۍ و٨٣٤ دەنگدەرا ١٢٩٠ کەسۍ دەنگشا دان. جە بەسرەنە ١٣٢ کەسۍ مافو دەنگدایشا بیەن، بەڵام ٧٤ کەسۍ دەنگشا دان.
جە عێراق و هەرێمو کورڎسانی جە ھورچنیەی ٢٠١٨ینە ریژەو بەشڎاربیەی سەڎەنە ١٠.٠٥ بۍ، ئېساڵ رێژەکە پۍ سەڎەنە ٢٦.٤٤ بەرزبیەنۊ.
دەنگدای جە مەرزەکا خابوری و ئوزوملوشینە جە ٢٧و نیسانی دەسشپنەکەرڎ و حەتا ١٤و ئایاری سەعاڎ ١٧:٠٠ وەردەوامیش بۊ.
هـ . ش
