پەیوەند عیزەدین دماو 40 ڕواو بڕیەی و  5200 کیلۊمەترا، هەشت ساڵا دووریی یاواوە باوشەو ئەڎێش و نیشتمانی، پەیوەند ئەرەنیشتەو شاروو نۊرنبێرگوو ئەڵمانیان و ئارۊ یاواوە هەورامانی و دەگێکێش.

ئارۊ هامدەگایەکاو پەیوەندی و کەسوکار و هامڕێکێش، مەراسیمێوەنە بە ولی  خێرامایۊشا کەرد و وەشحاڵیشا بەر وست، بە گێڵایۊش پەی باوشەو نیشتمانی.

وەرزشوانەکە ئەرەیاوناش، ئامانجوو بە پاسکیل گێڵایۊکەیش بە پلەی یووەم ژیوگەدۊسین و هەر سەڎ کیلۊمەترێوەنە نەمامێوە یان تۊمێوەش چەقنان بە نیەتوو پارێزنای ژیوگەی، بە پلەی دووەمیچ ئشناسای وەڵاتا و کلتوورە جیاوازن و هەرپاسە ئشناسای زیاڎتەروو وەرزشوو پاسکیلسوارین بە دنیۍ.

پاسکیلسوارەکە مەوداو بەینوو ١١ وەڵاتاش بڕیەن تا یاوانۊ پانیشتوو کورڎسانی.

س.ز